EU disburses EUR 7.9 bln to strengthen Ukraine’s financial stability
NATO fully recognizes new war domains: Cyber and electromagnetic – NSATU Commander
Ukrainian forces hit three Russian ballistic missile launchers – Zelensky
Ukraine cooperating with Poland in probe into airspace violation – FM Sybiha
NATO focuses on building integrated air defense ecosystem for Ukraine – NSATU commander
Republicans in Congress criticize Trump’s meeting with Xi and Putin
ირაკლი ღარიბაშვილის ადვოკატი: სასამართლომ დახურული სხდომა კვლავ საჯარო გახადა – ეს გარკვეულ იმედს გვაძლევს
ზელენსკი რუსეთის მასშტაბური თავდასხმის შემდეგ პარტნიორებს საჰაერო თავდაცვის შესახებ შეთანხმებების შესრულებისკენ მოუწოდებს

კობახიძე ღარიბაშვილის წერილზე: სასაცილოცაა და ტრაგიკულიც — ყოფილი პრემიერი „შავ-ბნელი გაზეთის ბლოგერის დონეზე“ დავიდა

ნახვები: 449 კობახიძე ღარიბაშვილის წერილზე: სასაცილოცაა და ტრაგიკულიც — ყოფილი პრემიერი „შავ-ბნელი გაზეთის ბლოგერის დონეზე“ დავიდა

პრემიერ-მინისტრი ირაკლი კობახიძე ყოფილი პრემიერის, ირაკლი ღარიბაშვილის მიერ საპატიმროდან გავრცელებულ მორიგ წერილს გამოეხმაურა და მას „არასერიოზული“ უწოდა.

„ერთადერთი კომენტარი, რაც ამ წერილებთან დაკავშირებით შემიძლია ვთქვა, არის ის, რომ ეს არის უბრალოდ სასაცილო და ტრაგიკული“, — განაცხადა კობახიძემ.

მისი თქმით, ღარიბაშვილი მასზე ადრე პრემიერ-მინისტრის თანამდებობას იკავებდა და სწორედ „ეთიკური მოსაზრებიდან გამომდინარე“ არ სურს მისი წერილების შინაარსზე უფრო ღრმა კომენტარის გაკეთება.

„იმდენად არასერიოზულია თავად ამ წერილების შინაარსი, რომ ესეც არ მაძლევს სერიოზულად რამე კომენტარის გაკეთების შესაძლებლობას“, — აღნიშნა კობახიძემ.

კითხვაზე, ვინ დგას, მისი შეფასებით, „ცრუ კამპანიის“ უკან, პრემიერ-მინისტრმა განაცხადა, რომ ეს „დამალული არც არის“.

„ფაქტია, ვინც ავრცელებს ასეთ ინფორმაციას, ასეთ სიყალბეს, ის დგას უკან. ძალიან სამწუხაროა, რომ ყოფილი პრემიერ-მინისტრი დავიდა კონკრეტული შავ-ბნელი გაზეთის ბლოგერის დონეზე. ეს ძალიან სამწუხარო და ტრაგიკული მოვლენაა“, — განაცხადა კობახიძემ.

ირაკლი ღარიბაშვილმა საპატიმროდან გავრცელებულ ბოლო წერილში ლაზარე ჯორბენაძის გარდაცვალებასთან დაკავშირებით კითხვები დასვა და განაცხადა, რომ პასუხი უნდა გაეცეს კითხვას — „რა გახდა უფლებადამცველი ლაზარე ჯორბენაძის გარდაცვალების რეალური მიზეზი?“

ყოფილი პრემიერი ასევე ამტკიცებს, რომ საზოგადოებაში პასუხგაუცემელი კითხვები რჩება „არაერთი ადამიანის თვითმკვლელობის ფაქტთან დაკავშირებით“, რომლებსაც, მისი თქმით, „კობახიძე-მდინარაძის მმართველობის დროს“ ჰქონდა ადგილი.

ყველას ნახვა
ყველას ნახვა
ყველას ნახვა