აშშ-ის პრეზიდენტმა დონალდ ტრამპმა განაცხადა, რომ ირანის ენერგეტიკული ჰაბი — კუნძული ხარგი „ნანგრევებად იქცევა“, თუმცა შესაძლო თავდასხმის შესახებ დამატებითი დეტალები არ გაუვრცელებია.
„კუნძული ხარგი ნანგრევებად იქცევა!!! პრეზიდენტი დონალდ ტრამპი“, — დაწერა ტრამპმა სოციალურ ქსელში.
Reuters-ის ინფორმაციით, ერთსტრიქონიან პოსტს თან ახლავს ხელოვნური ინტელექტის მიერ გენერირებული ვიდეო. ამასთან, სააგენტო აღნიშნავს, რომ ამ დროისთვის არ არსებობს სხვა დამოუკიდებელი მტკიცებულება, რომელიც ხარგის ენერგეტიკულ ინფრასტრუქტურაზე ახალი თავდასხმის განხორციელებას დაადასტურებდა. თეთრ სახლსა და აშშ-ის თავდაცვის დეპარტამენტს Reuters-ის კომენტარის თხოვნაზე ჯერ არ უპასუხიათ.
ხარგის კუნძულს ირანისთვის სტრატეგიული მნიშვნელობა აქვს — ომის დაწყებამდე მისი ტერმინალების გავლით ქვეყნის ნავთობის ექსპორტის დაახლოებით 90% ხორციელდებოდა. მარტში აშშ-მა კუნძულზე სამხედრო ობიექტებს უკვე დაარტყა, თუმცა მაშინ ტრამპმა განაცხადა, რომ ნავთობის ინფრასტრუქტურა განზრახ არ განადგურებულა.
Reuters-ის შეფასებით, ხარგის ნავთობის ინფრასტრუქტურის მასშტაბურმა დაზიანებამ შესაძლოა მნიშვნელოვნად შეაფერხოს ირანის ენერგორესურსების ექსპორტი და ქვეყნის ეკონომიკაზე დამატებითი ძლიერი ზეწოლა მოახდინოს
