EU disburses EUR 7.9 bln to strengthen Ukraine’s financial stability
NATO fully recognizes new war domains: Cyber and electromagnetic – NSATU Commander
Ukrainian forces hit three Russian ballistic missile launchers – Zelensky
Ukraine cooperating with Poland in probe into airspace violation – FM Sybiha
NATO focuses on building integrated air defense ecosystem for Ukraine – NSATU commander
Republicans in Congress criticize Trump’s meeting with Xi and Putin
ირაკლი ღარიბაშვილის ადვოკატი: სასამართლომ დახურული სხდომა კვლავ საჯარო გახადა – ეს გარკვეულ იმედს გვაძლევს
ზელენსკი რუსეთის მასშტაბური თავდასხმის შემდეგ პარტნიორებს საჰაერო თავდაცვის შესახებ შეთანხმებების შესრულებისკენ მოუწოდებს

აჭარის ტელევიზიის ჟურნალისტი კობა ფარტენაძე დააკავეს

ნახვები: 582 აჭარის ტელევიზიის ჟურნალისტი კობა ფარტენაძე დააკავეს

შინაგან საქმეთა სამინისტროს ინფორმაციით, აჭარის ტელევიზიისა და რადიოს ჟურნალისტი კობა ფარტენაძე პოლიციელების სიტყვიერი შეურაცხყოფისა და წვრილმანი ხულიგნობის ფაქტებზე ადმინისტრაციული წესით დააკავეს.

უწყების ცნობით, ფარტენაძეს ადმინისტრაციულ სამართალდარღვევათა კოდექსის 166-ე და 173-ე მუხლებით გათვალისწინებულ სამართალდარღვევებს ედავებიან.

შსს-ში აცხადებენ, რომ 16 აგვისტოს კობა ფარტენაძე მასთან დაკავშირებულ ერთ-ერთ სისხლის სამართლის საქმეზე მოწმის სახით გამოკითხვის მიზნით პოლიციის განყოფილებაში იმყოფებოდა, სადაც მან სამართალდამცველებს სიტყვიერი შეურაცხყოფა მიაყენა. აღნიშნულ ფაქტზე ადმინისტრაციული წარმოება დაიწყო.

„ასევე, აღნიშნული პირი 17 აგვისტოს ღამის საათებში, ბათუმში, ხმამაღლა ლანძღვა-გინებით არღვევდა საზოგადოებრივ წესრიგს. სამართალდამცველებმა არაერთხელ მოუწოდეს, შეეწყვიტა კანონსაწინააღმდეგო ქმედება, თუმცა ის არ დაემორჩილა პოლიციელების მოთხოვნას, პოლიციელებს მიაყენა შეურაცხყოფა“, — აცხადებენ შინაგან საქმეთა სამინისტროში.

ცნობისთვის, რამდენიმე დღის წინ თავად კობა ფარტენაძე გახდა ძალადობისა და მუქარის საქმის ფიგურანტი, როგორც დაზარალებული. შსს-მ 9 აგვისტოს ბათუმში მასზე განხორციელებულ ძალადობასა და მუქარასთან დაკავშირებით ორი პირი დააკავა. გამოძიების ინფორმაციით, ერთ-ერთმა დაკავებულმა ფარტენაძეს ურთიერთშელაპარაკებისას ფიზიკური შეურაცხყოფა მიაყენა, მეორე კი მოგვიანებით დანით დაჭრით დაემუქრა. საქმეზე გამოძიება სისხლის სამართლის კოდექსის 126-ე და 151-ე მუხლებით მიმდინარეობს.

ყველას ნახვა
ყველას ნახვა
ყველას ნახვა