რუსეთის ვორონეჟის ოლქში, ნოვოუსმანსკის რაიონში მდებარე Wildberries-ის ლოჯისტიკურ კომპლექსს დრონებით თავდასხმის შემდეგ ხანძარი გაუჩნდა. ამის შესახებ უკრაინული მედია იუწყება.
გავრცელებული ინფორმაციით, ადგილობრივმა მოსახლეობამ მთელი ღამის განმავლობაში აფეთქებების ხმა გაიგონა. მოგვიანებით Wildberries-ის პრესსამსახურმა დაადასტურა, რომ უსაფრთხოების მიზნით ობიექტიდან თანამშრომლების ევაკუაცია განხორციელდა.
ვორონეჟის ოლქის გუბერნატორის, ალექსანდრ გუსევის განცხადებით, დრონებით თავდასხმის შედეგად ერთი ადამიანი დაიღუპა, ხოლო ორი დაშავდა.
