EU disburses EUR 7.9 bln to strengthen Ukraine’s financial stability
NATO fully recognizes new war domains: Cyber and electromagnetic – NSATU Commander
Ukrainian forces hit three Russian ballistic missile launchers – Zelensky
Ukraine cooperating with Poland in probe into airspace violation – FM Sybiha
NATO focuses on building integrated air defense ecosystem for Ukraine – NSATU commander
Republicans in Congress criticize Trump’s meeting with Xi and Putin
ირაკლი ღარიბაშვილის ადვოკატი: სასამართლომ დახურული სხდომა კვლავ საჯარო გახადა – ეს გარკვეულ იმედს გვაძლევს
ზელენსკი რუსეთის მასშტაბური თავდასხმის შემდეგ პარტნიორებს საჰაერო თავდაცვის შესახებ შეთანხმებების შესრულებისკენ მოუწოდებს

პროკურატურამ ვერაზე მომხდარი მკვლელობის საქმეზე ნიკა კაპანაძეს ბრალდება კლინიკაში წარუდგინა

ნახვები: 433 პროკურატურამ ვერაზე მომხდარი მკვლელობის საქმეზე ნიკა კაპანაძეს ბრალდება კლინიკაში წარუდგინა

 

საქართველოს პროკურატურამ ვერაზე 17 წლის ახალგაზრდის მკვლელობისა და სამი პირის დაჭრის საქმეზე დაკავებულ ნიკა (ნიკოლოზ) კაპანაძეს ბრალდება კლინიკაში წარუდგინა.

უწყების ინფორმაციით, მას ბრალი წარედგინა დამამძიმებელ გარემოებებში ჩადენილი განზრახ მკვლელობის, სამი პირის განზრახ მკვლელობის მცდელობის, პოლიციელზე თავდასხმის მცდელობისა და ცეცხლსასროლი იარაღის მართლსაწინააღმდეგო ტარების ფაქტებზე.

პროკურატურის განცხადებით, ბრალდებულისთვის აღკვეთის ღონისძიების სახით პატიმრობის შეფარდების მოთხოვნით სასამართლოს კანონით დადგენილ ვადაში მიმართავენ.

გამოძიების ვერსიით, 22 ივლისს, დაახლოებით 21:35 საათზე, თბილისში, აკაკი შანიძის ქუჩაზე, ნიკოლოზ კაპანაძეს ოთხ ახალგაზრდასთან სიტყვიერი შელაპარაკება მოუვიდა. როდესაც ისინი ავტომობილით ტერიტორიის დატოვებას ცდილობდნენ, ბრალდებულმა მათ მიმართულებით „GLOCK 34 GEN 4“-ის მოდელის ცეცხლსასროლი იარაღიდან რამდენჯერმე გაისროლა.

სროლის შედეგად სამი ახალგაზრდა დაიჭრა. ერთ-ერთი მათგანი, ნიკოლოზ ღუნაშვილი, მიღებული ჭრილობებით სამედიცინო დაწესებულებაში გარდაიცვალა, ხოლო ორს ექიმებმა სიცოცხლე შეუნარჩუნეს. პროკურატურის ინფორმაციით, გასროლის შედეგად თავის არეში ჭრილობა შემთხვევით გამვლელმა ქალმაც მიიღო.

უწყების ცნობით, 23 ივლისს, დაახლოებით 00:06 საათზე, სამართალდამცველები ბრალდებულის საცხოვრებელ სახლში საგამოძიებო მოქმედებების ჩასატარებლად მივიდნენ. პროკურატურის მტკიცებით, პოლიციის მოთხოვნის მიუხედავად, ნიკოლოზ კაპანაძე არ დაემორჩილა სამართალდამცველებს, დაემუქრა მათ და კარის გაღებისთანავე „GLOCK 34 GEN 4“-ისა და „ARMALITE SPR MOD 1“-ის მოდელის იარაღებიდან მათი მიმართულებით სროლა სცადა. პოლიციელებმა მისი განიარაღება შეძლეს და თავდასხმის განხორციელება აღკვეთეს.

ნიკოლოზ კაპანაძეს ბრალი საქართველოს სისხლის სამართლის კოდექსის რამდენიმე მუხლით წარედგინა. აღნიშნული დანაშაულები სასჯელის სახით 20 წლამდე ან უვადო თავისუფლების აღკვეთას ითვალისწინებს.

ყველას ნახვა
ყველას ნახვა
ყველას ნახვა