საქართველოს სახელმწიფო ელექტროსისტემის ინფორმაციით, ქვეყნის მასშტაბით ელექტროენერგიის მიწოდება სრულად აღდგა.
უწყების ცნობით, აღდგენითი სამუშაოები მთელი ღამის განმავლობაში უწყვეტ რეჟიმში მიმდინარეობდა.
ელექტროენერგია ქვეყნის მასშტაბით ავარიულად დაახლოებით 00:10 საათზე გაითიშა, რის შემდეგაც დაიწყო დაზიანების აღმოფხვრის სამუშაოები. ელექტრომომარაგების აღდგენა ღამის განმავლობაში ეტაპობრივად განხორციელდა.
საქართველოს სახელმწიფო ელექტროსისტემაში აცხადებენ, რომ პარალელურად მიმდინარეობს ავარიის ზუსტი მიზეზების დადგენა.
