EU disburses EUR 7.9 bln to strengthen Ukraine’s financial stability
NATO fully recognizes new war domains: Cyber and electromagnetic – NSATU Commander
Ukrainian forces hit three Russian ballistic missile launchers – Zelensky
Ukraine cooperating with Poland in probe into airspace violation – FM Sybiha
NATO focuses on building integrated air defense ecosystem for Ukraine – NSATU commander
Republicans in Congress criticize Trump’s meeting with Xi and Putin
ირაკლი ღარიბაშვილის ადვოკატი: სასამართლომ დახურული სხდომა კვლავ საჯარო გახადა – ეს გარკვეულ იმედს გვაძლევს
ზელენსკი რუსეთის მასშტაბური თავდასხმის შემდეგ პარტნიორებს საჰაერო თავდაცვის შესახებ შეთანხმებების შესრულებისკენ მოუწოდებს

კლინიკა: ვერაზე სროლის საქმეზე დაკავებულ ნიკა კაპანაძეს კლინიკაში შეყვანისას თითი ამპუტირებული ჰქონდა

ნახვები: 386 კლინიკა: ვერაზე სროლის საქმეზე დაკავებულ ნიკა კაპანაძეს კლინიკაში შეყვანისას თითი ამპუტირებული ჰქონდა

 

ალექსანდრე ალადაშვილის სახელობის კლინიკის ინფორმაციით, ვერაზე მომხდარი მკვლელობისა და დაჭრის საქმეზე დაკავებული ნიკა კაპანაძე სამედიცინო დაწესებულებაში მარცხენა ხელის პირველი თითის ამპუტაციით შეიყვანეს.

კლინიკის წარმომადგენლის განცხადებით, პაციენტს ასევე აღენიშნებოდა ზედაპირული დაზიანებები მარჯვენა ხელზე. მას ჩაუტარდა შესაბამისი კლინიკურ-ლაბორატორიული კვლევები და ოპერაციული ჩარევა, რის შემდეგაც ქირურგიულ განყოფილებაში გადაიყვანეს.

„სასწრაფო დახმარების მიერ შემოყვანილი იქნა 42 წლის მამაკაცი. დაზიანება იყო მარცხენა მტევნის პირველი თითის არეში, ამპუტირებული იყო თითი. მარჯვენა მტევნის არეშიც იყო, თუმცა იქ ზედაპირული ტრავმები აღენიშნებოდა. პაციენტს ჩაუტარდა შესაბამისი კლინიკურ-ლაბორატორიული კვლევები, რის შემდეგაც საოპერაციო ბლოკში გადაიყვანეს. ამ ეტაპზე მისი მდგომარეობა სტაბილურია. გონზეა, კონტაქტურია. არ ვიცით, რა ვითარებაში მიიღო დაზიანება,“ – აცხადებენ კლინიკაში.

მედიკოსების ინფორმაციით, ნიკა კაპანაძე პალატაში შინაგან საქმეთა სამინისტროს თანამშრომლების მეთვალყურეობის ქვეშ, 24-საათიანი მონიტორინგის რეჟიმში იმყოფება. მათი ვარაუდით, თუ ჯანმრთელობის მდგომარეობა ამის საშუალებას მისცემს, კლინიკიდან გაწერა სავარაუდოდ ხვალ მოხდება.

შეგახსენებთ, რომ ვერაზე მომხდარი სროლის შედეგად ოთხი ადამიანი, მათ შორის ორი არასრულწლოვანი, დაიჭრა. ერთ-ერთი არასრულწლოვანი მიღებული ჭრილობების შედეგად კლინიკაში გარდაიცვალა.

გამოძიების ინფორმაციით, შემთხვევამდე შელაპარაკება ბრალდებულის დედასა და ახალგაზრდებს შორის მოხდა, რის შემდეგაც, არსებული ვერსიით, ნიკა კაპანაძემ ცეცხლსასროლი იარაღიდან გაისროლა. შინაგან საქმეთა სამინისტროს ცნობით, ბრალდებული ცხელ კვალზე დააკავეს, ხოლო დაკავებისას მან სამართალდამცველებს შეიარაღებული წინააღმდეგობა გაუწია.

ყველას ნახვა
ყველას ნახვა
ყველას ნახვა