EU disburses EUR 7.9 bln to strengthen Ukraine’s financial stability
NATO fully recognizes new war domains: Cyber and electromagnetic – NSATU Commander
Ukrainian forces hit three Russian ballistic missile launchers – Zelensky
Ukraine cooperating with Poland in probe into airspace violation – FM Sybiha
NATO focuses on building integrated air defense ecosystem for Ukraine – NSATU commander
Republicans in Congress criticize Trump’s meeting with Xi and Putin
ირაკლი ღარიბაშვილის ადვოკატი: სასამართლომ დახურული სხდომა კვლავ საჯარო გახადა – ეს გარკვეულ იმედს გვაძლევს
ზელენსკი რუსეთის მასშტაბური თავდასხმის შემდეგ პარტნიორებს საჰაერო თავდაცვის შესახებ შეთანხმებების შესრულებისკენ მოუწოდებს

ვერაზე სროლის საქმეზე ერთი პირი დააკავეს — დაჭრილია ოთხი ადამიანი, მათ შორის გარდაიცვალა ერთი არასრულწლოვანი

ნახვები: 396 ვერაზე სროლის საქმეზე ერთი პირი დააკავეს — დაჭრილია ოთხი ადამიანი, მათ შორის გარდაიცვალა ერთი არასრულწლოვანი

 

შინაგან საქმეთა სამინისტროს ინფორმაციით, თბილისში, ვერაზე მომხდარი სროლის ფაქტზე სამართალდამცველებმა განზრახ მკვლელობის მცდელობის ბრალდებით ერთი პირი ცხელ კვალზე დააკავეს.

უწყების ცნობით, ბრალდებულმა 22 ივლისს ცეცხლსასროლი იარაღიდან გასროლით ოთხი ადამიანი დაჭრა, მათ შორის ორი არასრულწლოვანი. დაშავებულები სამედიცინო დაწესებულებებში გადაიყვანეს, თუმცა ერთ-ერთი არასრულწლოვანი მიღებული ჭრილობების შედეგად მალევე გარდაიცვალა.

შსს-ს ინფორმაციით, ოპერატიული ღონისძიებებისა და საგამოძიებო მოქმედებების შედეგად, ეჭვმიტანილი შემთხვევიდან მალევე დააკავეს. სამინისტროს განცხადებით, დაკავებისას მან სამართალდამცველებს შეიარაღებული წინააღმდეგობა გაუწია, რა დროსაც ხელის თითებზე დაზიანება მიიღო და კლინიკაში გადაიყვანეს.

გამოძიება მიმდინარეობს საქართველოს სისხლის სამართლის კოდექსის 19-109-ე მუხლით (ორი ან მეტი პირის მიმართ დამამძიმებელ გარემოებებში ჩადენილი განზრახ მკვლელობის მცდელობა), რაც სასჯელის სახით 20 წლამდე ან უვადო თავისუფლების აღკვეთას ითვალისწინებს.

არსებული ინფორმაციით, შემთხვევამდე შელაპარაკება დაკავებულის დედასა და კაფიდან გამოსულ ახალგაზრდებს შორის მოხდა. გავრცელებული ცნობით, ქალმა ახალგაზრდებს შენიშვნა მისცა, რადგან მათი ავტომობილი მისი საცხოვრებელი სახლის წინ იდგა, რის შემდეგაც, არსებული ინფორმაციით, ბრალდებულმა ცეცხლი გახსნა.

ცნობილია, რომ ავტომობილში მყოფი ოთხი პირიდან სამი დაიჭრა, ხოლო მძღოლი არ დაშავებულა. მეოთხე დაჭრილი კი ტაქსით გადაადგილდებოდა, როდესაც შემთხვევით გასროლილი ტყვია მოხვდა. გამოძიება მომხდარის ყველა გარემოების დასადგენად გრძელდება.

ყველას ნახვა
ყველას ნახვა
ყველას ნახვა