კლინიკაში მყოფი მსჯავრდებული ელენე ხოშტარია აცხადებს, რომ თუ გავრცელდება ვიდეო, აუდიო ან სხვა ტიპის ჩანაწერი, რომელშიც იგი ბიძინა ივანიშვილს შეურაცხმყოფელი სიტყვებით მოიხსენიებს, მისთვის სანქციების დაწესებაზე მუშაობს ან რუსეთთან მის კავშირებზე საუბრობს, აღნიშნული ჩანაწერის ავთენტურობას თავად ადასტურებს.
შესაბამისი განცხადება ხოშტარიამ სოციალურ ქსელ Facebook-ში გამოაქვეყნა.
„მინდა წინასწარ განვაცხადო, რომ თუ შეგხვდებათ ვიდეო, აუდიო ან რაიმე სხვა სახის ჩანაწერი, რომელშიც უშვერი სიტყვებით ვიხსენიებ ბიძინა ივანიშვილს, ან ვმუშაობ მისთვის სანქციების დაწესებაზე, ან ვამხელ რუსეთთან მის კავშირებს და მის ძალადობრივ ბუნებას, ვადასტურებ, რომ ეს ვარ მე“, – აცხადებს ელენე ხოშტარია.
