რუსეთის ოლქებში ნავთობგადამამუშავებელ ქარხნებზე დრონებით თავდასხმა განხორციელდა, - ინფორმაციას უკრაინული მედია რუსულ „ტელეგრამ“ არხებზე დაყრდნობით ავრცელებს.
გავრცელებული ინფორმაციით, დრონებით თავდასხმის შემდეგ ნიჟნი-ნოვგოროდის ოლქში მდებარე „გორკის“ ნავთობგადამამუშავებელი ქარხნისა და სამარის ოლქში მდებარე ნავთობქიმიური ქარხნის ტერიტორიებზე ხანძარი გაჩნდა.
ნიჟნი-ნოვგოროდის ოლქის ქალაქ კსტოვოს მოსახლეობის ცნობით, ქალაქში აფეთქებების ხმა ისმოდა.
სამარის ოლქში თავდასხმის შესახებ გავრცელებული ინფორმაცია ოლქის გუბერნატორმა ვიაჩესლავ ფედორიშჩევმაც დაადასტურა.
„წინასწარი ინფორმაციით დაშავებულები არიან. ნოვოკუიბიშევსკის სამრეწველო ობიექტზე თავდასხმა განხორციელდა“, - განაცხადა სამარის ოლქის გუბერნატორმა.
