აშშ-ის პრეზიდენტის დონალდ ტრამპის განცხადებით, ირანს სურს, ჰორმუზის სრუტე გახსნილი იყოს, რათა დღეში 500 მილიონი დოლარი გამოიმუშაონ.
„ირანს არ სურს ჰორმუზის სრუტის დახურვა, მათ სურთ მისი გახსნა, რათა დღეში 500 მილიონი დოლარი გამოიმუშაონ (შესაბამისად, რასაც კარგავენ, თუ ის იხურება!). ისინი მხოლოდ იმიტომ ამბობენ, რომ სრუტის დახურვა სურთ, რომ მე ის სრულიად ბლოკირებული მაქვს (დაკეტილი!), ამიტომ მათ უბრალოდ „სახის შენარჩუნება“ სურთ“, - დაწერა ტრამპმა სოციალურ ქსელში.
მისი მტკიცებით, ირანთან შეთანხმების დადება შეუძლებელი იქნება, თუ ჰორმუზის სრუტე გაიხსნება.
„ოთხი დღის წინ ხალხმა მომმართა და მითხრა: „ბატონო, ირანს სრუტის დაუყოვნებლივ გახსნა სურს“. მაგრამ თუ ამას გავაკეთებთ, ირანთან შეთანხმება ვერასდროს იქნება, თუ მათი ქვეყნის დანარჩენ ნაწილს, მათ შორის ლიდერებს, არ ავაფეთქებთ!“- აღნიშნა ტრამპმა.
