ირანი დათანხმდა, რომ აღარასდროს დაკეტავს ჰორმუზის სრუტეს. ის აღარ იქნება გამოყენებული მსოფლიოს წინააღმდეგ იარაღად! - ამის შესახებ აშშ-ის პრეზიდენტი დონალდ ტრამპი სოციალურ ქსელში წერს.
მისი თქმით, დღევანდელი დღე „დიდი და ბრწყინვალე დღეა მსოფლიოსთვის“.
„კიდევ ერთხელ! ეს შეთანხმება არანაირად არ არის დაკავშირებული ლიბანთან, მაგრამ ჩვენ გავხდით ლიბანს კვლავ დიდებულს!“- წერს ტრამპი.
მისი მტკიცებით, ირანმა, აშშ-ის დახმარებით, განახორციელა და ახორციელებს გამნაღმვით სამუშაოებს.
„ირანმა, მოაშორა ან ახლა აშორებს ყველა საზღვაო ნაღმს!“- წერს ტრამპი.
ირანის საგარეო საქმეთა სამინისტროში აშშ-ის პრეზიდენტის განცხადებას ეხმაურება და აცხადებენ, რომ ქვეყნის გამდიდრებული ურანის მარაგს არსად გადაიტანენ.
„ირანის გამდიდრებულ ურანს არსად არ გადაიტანენ“, – განაცხადა ირანის საგარეო უწყების პრესსპიკერმა, ესმაილ ბაღაიმ სახელმწიფო ტელევიზიის ეთერში.
აშშ-ის პრეზიდენტი მადლობას უხდის პაკისტანს და პრემიერ-მინისტრსა და ფელდმარშალს, ასევე საუდის არაბეთს, არაბთა გაერთიანებულ საამიროებსა და კატარს დახმარებისთვის.
