EU disburses EUR 7.9 bln to strengthen Ukraine’s financial stability
NATO fully recognizes new war domains: Cyber and electromagnetic – NSATU Commander
Ukrainian forces hit three Russian ballistic missile launchers – Zelensky
Ukraine cooperating with Poland in probe into airspace violation – FM Sybiha
NATO focuses on building integrated air defense ecosystem for Ukraine – NSATU commander
Republicans in Congress criticize Trump’s meeting with Xi and Putin
ირაკლი ღარიბაშვილის ადვოკატი: სასამართლომ დახურული სხდომა კვლავ საჯარო გახადა – ეს გარკვეულ იმედს გვაძლევს
ზელენსკი რუსეთის მასშტაბური თავდასხმის შემდეგ პარტნიორებს საჰაერო თავდაცვის შესახებ შეთანხმებების შესრულებისკენ მოუწოდებს

FT: ევროკავშირი უნგრეთისთვის €35 მილიარდის განბლოკვის ნაცვლად რეფორმების გატარებას ითხოვს

ნახვები: 280 FT: ევროკავშირი უნგრეთისთვის €35 მილიარდის განბლოკვის ნაცვლად რეფორმების გატარებას ითხოვს

გამოცემა Financial Times-ის ინფორმაციით, ევროკომისიამ "მყისიერად" დაიწყო პეტერ მადიართან კონტაქტების დამყარება მას შემდეგ, რაც მან უნგრეთის საპარლამენტო არჩევნებში საკონსტიტუციო უმრავლესობის მოპოვება შეძლო.

FT-ს მიხედვით, კომისიამ მას ევროკავშირის გაყინული თანხებიდან €35 მილიარდის მისაღებად უკრაინასთან ურთიერთობების გამოსწორებისკენ და რეფორმების გატარებისკენ მოუწოდა. 

საკითხზე ინფორმირებულმა მაღალჩინოსნებმა განაცხადეს, რომ მადიარის პარტია Tisza-ს მიერ არჩევნებში სუპერუმრავლესობის მოპოვებამ მათ მოლოდინებს გადააჭარბა, თუმცა, ამან ევროკომისიის მოლოდინების გაზრდაც გამოიწვია. 

"ჩვენ მთავრობასთან მუშაობას მაშინ დავიწყებთ, როგორც კი ეს შესაძლებელი იქნება, რათა გვქონდეს სწრაფი და დაგვიანებული პროგრესი უნგრელი ხალხის სასარგებლოდ," განაცხადა ევროკომისიის პრეზიდენტმა ურსულა ფონ დერ ლაიენმა 13 აპრილს, თუმცა, მანვე დაამატა, რომ "ევროპულ გზაზე უნგრეთის დაბრუნების პარალელურად ბევრი სამუშაოა გასაკეთებელი."

ევროკავშირის ორი დიპლომატის მიხედვით, ბლოკის ქვეყნები მოელიან, რომ მადიარი უკრაინისთვის €90-მილიარდიან სასესხო პაკეტს განბლოკავს და რუსეთის წინააღმდეგ სანქციების ახალ პაკეტზე ვეტოს მოხსნის, რაც, მათი თქმით, იქნება მინიშნება, რომ უნგრეთის ახალი პრემიერი ევროკავშირთან სერიოზულად დაზიანებული ურთიერთობების აღსადგენად მზად არის.

კიდევ ერთი დიპლომატის ცნობით, ევროკომისიისთვის გადამწყვეტი მნიშვნელობისაა უნგრეთის სასამართლო სისტემისა და უსაფრთხოების სამსახურების რეფორმირება და ასევე საჯარო ინსტიტუტებისა და სახელმწიფო კონტროლქვეშ არსებული საწარმოების ხელმძღვანელობების შეცვლაც.

ევროკომისიის სპიკერის მიხედვით, ევროკავშირის დაფინანსებიდან უნგრეთისთვის განკუთვნილი €35 მილიარდი გაყინულია ბრიუსელთან სხვადასხვა საკითხზე არსებული დაპირისპირებებისა და ორბანის მხრიდან რეფორმების არ გატარების გამო. ასევე შეჩერებულია ევროპისთვის უსაფრთხოების ქმედების (SAFE) ფარგლებში უნგრეთისთვის €17 მილიარდის ოდენობის თავდაცვის სესხის გამოყოფაც.

Financial Times წერს, რომ თანხების მისაღებად უნგრეთს 27 პირობის შესრულება მოუწევს, მათ შორის, ანტიკორუფციული მექანიზმების დანერგვა და ორბანის პერიოდის იმ გადაწყვეტილებების უკან წაღებაც, რომლებიც ევროკავშირის წესდებასთან არის შეუსაბამობაში.

ყველას ნახვა
ყველას ნახვა
ყველას ნახვა