Artemis II-ის მისიის ეკიპაჟი დედამიწაზე წარმატებით დაეშვა
11.04.2026 ნახვები: 282
Artemis II-ის მისიის ეკიპაჟი დედამიწაზე წარმატებით დაეშვა, - ინფორმაციას NASA ავრცელებს.
NASA-ს Artemis II-ის მისიამ მთვარის გარშემო მოგზაურობა დაასრულა და თბილისის დროით 4:07 საათზე წყნარ ოკეანეში, სან დიეგოს სანაპიროსთან წარმატებით დაეშვა.
Artemis II-ის ეკიპაჟის წევრებმა, რეიდ უაისმენმა, ვიქტორ გლოვერმა, კრისტინა კოხმა და ჯერემი ჰენსენმა 10-დღიანი მოგზაურობის ფარგლებში დედამიწიდან 252,756 მილს, კაცობრიობის ისტორიაში ყველაზე შორ წერტილს მიაღწიეს და 56 წლის წინ აპოლო 13-ის მიერ დამყარებული რეკორდი მოხსნეს.
დედამიწაზე დაშვების შემდეგ ეკიპაჟის წევრები სამედიცინო შემოწმებისთვის აშშ-ის საზღვაო ძალების ხომალდზე USS John P. Murtha-ზე გადაიყვანეს. მისიის მეთაურმა, რეიდ უაისმენმა აღნიშნა, რომ ეკიპაჟის ოთხივე წევრი თავს კარგად გრძნობს.
NASA-ს დირექტორის, ჯარედ აიზეკმენის განცხადებით, მთვარეზე მისიები გაგრძელდება, ვიდრე 2028 წელს მასზე დაშვება არ მოხდება.
„Artemis II-ის დასრულების შემდეგ, ახლა ყურადღება მთლიანად Artemis III-სა და მთვარის ზედაპირზე დაბრუნებას დაეთმობა, რათა მასზე ბაზა აშენდეს“, - განაცხადა NASA-ს დირექტორმა.
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
