რუსეთი თუ მზად იქნება, შეწყვიტოს უკრაინულ ენერგეტიკულ სექტორზე თავდასხმები, უკრაინა მზადაა, ანალოგიურად უპასუხოს, – ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.
როგორც უკრაინის პრეზიდენტმა ყოველდღიური მიმართვისას აღნიშნა, უკრაინის წინადადება რუსულ მხარეს ამერიკელების მეშვეობით გადაეცა.
„ჩვენ არაერთხელ შევთავაზეთ რუსეთს ცეცხლის შეწყვეტა, ყოველ შემთხვევაში, აღდგომისთვის, წლის ამ განსაკუთრებულ დროს. მაგრამ მათთვის ყველა დრო ერთნაირია. მათთვის არაფერია წმინდა“, – აღნიშნა ზელენსკიმ.
ზელენსკიმ მადლობა გადაუხადა უკრაინის პარტნიორებს, რომლებიც თავიანთი მეთოდებით – სანქციებით, ტანკერების გაჩერებითა და რუსეთისთვის თანამედროვე აღჭურვილობის მიწოდების შეზღუდვით – რუსეთზე ზეწოლას აგრძელებენ.
უკრაინის პრეზიდენტის თქმით, რუსეთს არ სურს მშვიდობა, ამიტომ მსოფლიომ უნდა გააგრძელოს მასზე ზეწოლა.
„ჩვენი გრძელვადიანი სანქციები კვლავ ძალიან ეფექტურია და რეალურად ამცირებს რუსეთის შემოსავლებს. პირველ რიგში, ეს არის ნავთობიდან შემოსავლები. მხოლოდ მნიშვნელოვანი ფინანსური დანაკარგები აიძულებს რუსეთს, განიხილოს ომიდან გასვლის სცენარი“, – აღნიშნა ზელენსკიმ.
უკრაინის პრეზიდენტის თქმით, ირანში ომის გამო რუსეთს, როგორც ნავთობის ქვეყანას, მეტის გამომუშავება სურს, მაგრამ უკრაინული დრონები და რაკეტები უზღუდავს მათ ამის შესაძლებლობას.
გოჩა მირცხულავა პოლიტიკური კრიზისის დასაძლევად „საქართველოს ეროვნული შეთანხმების აქტის“ პროექტს აქვე
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
გოჩა მირცხულავა: საქართველოს საპატრიარქო, თუ თავს შეიკავებს განცხადების გაკეთებისგან, ეს იქნება დიდი
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
