არჩილ იაკობაშვილი - 2025 წლის შედეგებით საქართველო ნახევრად კორუმპირებული ქვეყანაა
11.02.2026 ნახვები: 821
2025 წლის შედეგებით, საქართველო არა მსუბუქად, არამედ ნახევრად კორუმპირებული ქვეყანაა, აცხადებს ეკონომიკის პროფესორი არჩილ იაკობაშვილი, Transparency international-ის მიერ გამოქვეყნებული კორუფციის საერთაშოროსო რეიტინგის კომენტირებისას.
„საქართველო 50/50. როცა ყოფილი პრემიერ-მინისტრი, მინისტრები და მოადგილეები სწორედ კორუფციის გამო იმყოფებიან სამართლებრივ პასუხისმგებლობაში, კიდევ კარგად არის ქვეყანა გადარჩენილი.
მიუხედავად ამისა, კორუფციის საერთაშორისო რეიტინგში, რომლის ავტორია "საერთაშორისო გამჭვირვალობა," მთავარია ქულა და არა ადგილი.
ე.ი. 2025 წლის შედეგებით (50/50) სამწუხაროდ, საქართველო არა მსუბუქად, არამედ ნახევრად კორუმპირებული ქვეყანაა“, - აცხადებს იაკობაშვილი.
მისი თქმით, ვერაფერი დიდი შეღავათი, როცა ინდექსის მნიშვნელოვანი ტვირთი მოდის პოლიტიკურ კორუფციაზე.
„პოლიტიკური კორუფციის მაღალი ხარისხი გამოწვეულია სახელმწიფო -პოლიტიკური თანამდებობების გამოყენების გამო - როგორც საკანონმდებლო, ისე აღმასრულებელ და სასამართლო, აგრეთვე ადგილობრივ ხელისუფლებებში.
ადმინისტრაციული კორუფციის ხარისხი (პატრული, რეესტრი, მუნიციპალური სერვისები) ჯერჯერობით შედარებით ნორმის ფარგლებშია, თუმცა მასაც აქვს გაუარესების ტენდენცია წინა პერიოდთან შედარებით“, - აცხადებს არჩილ იაკობშვილი.
იაკობაშვილი ყურადღებას ამახვილებს ინდექსის ავტორების განმარტებებზე, რომლის მიხედვითაც საქართველოს შემთხვევაში ვერ ხერხდება ე.წ. ელიტური კორუფციის ასახვა, რომელიც მხოლოდ ჩრდილოვან მმართველობასთან შეიძლება იყოს დაკავშირებული, ხოლო ადმინისტრაციული კორუფციის ინპუტისთვის საჭირო ინფორმაცია მხოლოდ დიდ ქალაქებშია ხელმისაწვდომი, მაგრამ არა ყველა რეგიონში.
„დიდი ამბავი, მიუხედავად ამისა, "ნახევრად კორუფციული" სტატუსით წინ თუ ვართ საბერძნეთზე, რომელიც 2014 სწორედ ევროკავშირმა იხსნა სწორედ კორუფციით გამოწვეული სახელმწიფო ბანკროტისგან“, - ამბობს იაკობაშვილი.
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
