მსოფლიოში არ არსებობს ქვეყანა, რომელიც უფრო სოლიდარულია უკრაინის მიმართ, ვიდრე საქართველო და ქართველები არიან, - ამის შესახებ პარლამენტის თვითმმართველობის კომიტეტის თავმჯდომარე სოზარ სუბარმა განაცხადა.
მისივე თქმით, საქართველოს მთავრობა პრემიერ-მინისტრის მეთაურობით აპირებს, რომ ურთულეს წუთებში საქართველოში სიმშვიდე იყოს შენარჩუნებული.
„ისეთ რთულ ვითარებაში ვართ, როცა ქვეყნის ტერიტორიების 20% ოკუპირებულია, რუსული ტანკები თბილისიდან 30 კილომეტრში იმყოფრებიან და განსაკურებული სიფრთხილე გვამართებს. ჩვენ ერთადერთი სამშობლო გვაქვს და მასზე უნდა ვიზრუნოთ, სხვაგან ვერ გავიქცევით. საქართველო მსოფლიოში ერთადერთი ქვეყანაა, სადაც ოპოზიცია მხარს უჭერს არა უკრაინას, არამედ მომხდარ კატასტროფას ხელისუფლებაში მოსასვლელად იყენებენ. საქართველოს მთავრობა პრემიერ-მინისტრის მეთაურობით აპირებს, რომ ამ ურთულეს წუთებში საქართველოში შევინარჩუნოთ მშვიდობა, რომელიც ასე ძალიან გვჭირდება. თუ ამ მშვიდობას რამე დაემუქრა, არ ვიცით, ხვალ სამშობლო, სახელიწიფო გვექნება თუ - არა. კარგად ვხედავთ, რომ ევროპისა და ნატო-ს წევრი ქვეყნები, რომლებსაც ჩვენზე გაცილებით მეტი ეკონომიკური და სამხედრო პოტენციალი აქვთ, თავს იკავებენ იმისგან, რომ მათი ქვეყნების უსაფრთხოებას რამე დაემუქროს. ეს არის მთვარობის ამოცანა და ამას საქართველოს მთვარობა განახორციელებს. არ უნდა დავუშვათ ომი, რომელიც ბოლო 30 წლის განმავლობაში რამდენჯერმე გადავიტანეთ", - განაცხადა სოზარ სუბარმა.
