მაშველებმა მარტვილის სოფელ ქვემო ხუნწში მცირეწლოვანი გადაარჩინეს
11.06.2025 ნახვები: 266
მაშველებმა მარტვილოს სოფელ ქვემო ხუნწში მცირეწლოვანი გადაარჩინეს.
საგანგებო სიტუაციების მართვის სამსახურის ინფორმაციით, უწყებაში შევიდა ინფორმაცია მარტვილში, სოფელ ქვემო ხუნწში, მდინარე ცხენისწყლის მიმდებარედ ბავშვის გაუჩინარების შესახებ.
„ძებნა-შველის ღონისძიებაში ჩაერთო 50-მდე მეხანძრე-მაშველი, აგრეთვე წყალზე სამაშველო საშუალებები და მყვინთავთა ჯგუფი. რის შედეგადაც, მდინარეში ჩავარდნის ადგილიდან 500 მეტრის მოშორებით, ნაპოვნია ბავშვი, რომელიც ნაპირზე გამოყვანილია უვნებლად“, – ნათქვამია ინფორმაციაში.
ჟურნალისტი ლაშა ბერულავა, აღნიშნულ ფაქტს ექმიანება და სოციალურ ქსელში წერს: 6 წლის ბავშვს ფეხი დაუცურდა (ქვემო ხუნწი) და ცხენისწყალში გადავარდა, დინებამ წაიღო. ეძებდა მთელი მარტვილი+ მაშველები, რამდენიმე საათის განმავლობაში და ბოლოს ცოცხალი და უვნებელი, ოღონდ ღონემიხდილი იპოვეს ნაპირზე გამორიყული: იბრძოლა, არ დაიბნა და ნაპირზე გამოსვლა მოახერხა.
