ნატო-დან გასვლის შესაძლებლობის შესახებ კითხვაზე ტრამპისგან მკაფიო „არა“ მოვისმინე, - ამის შესახებ გერმანიის კანცლერმა, ფრიდრიხ მერცმა ვაშინგტონში ვიზიტიდან მეორე დღეს, ბერლინში, საოჯახო მეწარმეთა ასოციაციის ღონისძიებაზე კითხვა-პასუხების დროს განაცხადა. მისი სიტყვები გამოცემა Politico-ს მოჰყავს.
„არავითარი ეჭვები არ მაქვს, რომ ამერიკის მთავრობა ნატო-ს ერთგულია“, - განაცხადა მერცმა.
აშშ-ის პრეზიდენტ, დონალდ ტრამპთან პირადი დიალოგის შესახებ საუბრისას მერცმა აღნიშნა: „კითხვა ასეთი იყო: აპირებს თუ არა ის [ტრამპი] ნატო-ს დატოვებას - ამის პერიფრაზს გავაკეთებ - და პასუხი იყო სრულიად მკაფიო „არა”. არავითარი მომდევნო კომენტარები არ იყო, მოგვიანებით სადილის დროსაც კი”.
გერმანიის კანცლერმა აშშ-ის პრეზიდენტთან დახურულ კარს მიღმა საუბრის მნიშვნელობას გაუსვა ხაზი.
„რა თქმა უნდა, დეტალურად განვიხილეთ სამი დიდი თემა, რომელიც ახლა ყველაზე მეტად გვაწუხებს: ომი უკრაინაში, სავაჭრო პოლიტიკა და ნატო-ს მომავალი”, - განაცხადა მერცმა და აღნიშნა, რომ ევროპამ ახლა მეტი უნდა გააკეთოს საკუთარი ვალდებულებების შესასრულებლად.
