„ჩვენი ხმა არის სიყვარულის ხმა, არის მშვიდობას ხმა, რომ მათთან ერთად ვართ, ჩვენთვის ნაცნობია ის ტკივილი და განვიცდით. ეს არ იყო კონცერტი, ეს იყო თანადგომა“,-ამის შესახებ “NATION GEORGIA”- სთან ინტერვიუში მომღერალმა ნინო ქათამაძემ თავისუფლების მოედანზე გამართულ კონცერტზე საუბრისას განაცხადა.
მომღერალმა, ხაზგასმით აღნიშნა, რომ გუშინდელ გამოსვლას კონცერტს ვერ უწოდებს, რადგან ესიყო თანადგომა და სიყვარულის ხმა უკრაინისადმი.
ჩვენ ვთქვით, რომ გვინდა უკრაინის მშვიდობა, რომ ვართ მათთან იმ საქმით რა საქმითაც ჩვენ ერთმანეთი შევიყვარეთ. ჩვენი ხმა არის სიყვარულის ხმა, არის მშვიდობას ხმა, რომ მათთან ერთად ვართ, ჩვენთვის ნაცნობია ის ტკივილი და განვიცდით. ეს არ იყო კონცერტი, ეს იყო თანადგომა - აბსოლუტურად უანგაროდ, მთელი მუსიკოსების ერთსულოვნებით. არ ქონდა მას სხვა მნიშვნელობა გარდა თანადგომისა და სიყვარულისა. ეს შეიძლება, ვიღაცეებისთვის არ არის მისაღები, თავისუფალ აზრს პატივს ვცემ ნამდვილად, მესმის იმ ადამიანებისაც. მაგრამ ამ შემთხვევაში მთავარი იყო უკრაინელების აზრი და თქვენ ვერ ნახავთ ვერცერთ პოსტს, რომ ეს არ იყო სიყვარულის ხმა.
გუშინ, საქართველომ უკრაინას თქვენთან ერთად შესრულებული უკრაინის ჰიმნი გააგონა - უკრაინასა და მთელ მსოფლიოს.
რა თქმა უნდა, ვფიქრობ, რომ თუ ჩვენ ვიცით ჰიმნი როგორც სიმბოლო ერის, ხმის და როდესაც ჩვენ ეს გვესმის, ჩვენ მისი მნიშვნლეობაც ვიცით და მთავარია რომ ჩვენ თუ კი რაიმე პატარა მარცვალია სიკეთის ის გავაღვივოთ და არა ვეძებოთ ერთმანეთთან კრიტიკის გადამკვეთი ზღვრები. ვფიქრობ, რომ ჩვენი ხასიათი ომს ვერ მოიგებს აი უკრაინის ერთიანობა კი ომს აუცილებლად მოიგებს.
რას ეტყვით უკრაინელებს?
მე ვეტყვი რომ უკრაინა არის მაგალითი ვაჟკაცობის, სინდისის, ბრძოლის, ვეტყოდი რომ ვამაყობ ამ ადამიანებით, ვამაყობ ბებოებით, შვილებით, ცოლებით, მამებით, თითოეული ადამიანით. ვფიქრობ, რომ მსოფლიომ გაიგო რას ნიშნავს, სამშობლოსთვის ბრძოლა და რამხელა ფასი აქვს ბრძოლას, რამხელა მნიშვნელობა აქვს ღირსეულ სიცოცხლეს.
ესაუბრა, ზუკა ნემსაძე
