ყველაზე მნიშვნელოვანი გახლავთ სიძულვილის და ბრალდებების კამპანია მცირე ჯგუფების მხრიდან, რომლებიც მპირდებიან ძალიან ცუდ რამეს არჩევნების შემდეგ. პოლიტიკურ პარტიებს სახელმწიფო ვერ აკონტროლებს, მრავალ ლიდერს იჭერენ, უშვებენ ბოლო დღეების განმავლობაში, მაგრამ მთავარი საფრთხე გახლავთ ის, რაც მანამდე გამოცხადდა, არჩევნებამდე, ბატონი ივანიშვილის და მთავრობის მხრიდან, რომ ისინი გააუქმებენ ზოგიერთ პარტიას, „ნაციონალურ მოძრაობას“, - ამის შესახებ საქართველოს პრეზიდენტმა სალომე ზურაბიშვილმა ევროპარლამენტში სიტყვით გამოსვლისას განაცხადა.
პრეზიდენტმა ისაუბრა ქვეყანაში არსებულ ვითარებაზე, მათ შორის „დაშინებასა და რეპრესიებზე“.
„ჩვენ ყველას გვეძახიან „ნაციონალურ მოძრაობის“ მხარდამჭერებს და ეს ეხება თითქმის ყველას. ჩვენ, ყველას გვიწოდებენ „ლიბერალურ ფაშისტებს“, ეს არის ახალი ტერმინოლოგია და რეალურად, რა რჩება? რჩება სამოქალაქო საზოგადოება. ჩვენ ვიხილეთ, ის, თუ როგორ ეპყრობიან, რა რეპრესიებს ატარებენ, დაშინების რა მეთოდებს იყენებენ სამოქალაქო საზოგადოების წინააღმდეგ და ამას ემატება ახალი კანონები, მათ შორის ერთი კანონი აძლევს სახელმწიფოს პრევენციული დაპატიმრების უფლებას. საჯარო სამსახურთან დაკავშირებით ძალიან სერიოზულია კანონი, რომელიც ანგრევს და აცამტვერებს იმ სამუშაოს, რომელიც იმისთვის ჩატარდა, რომ მიღებული ყოფილიყო საჯარო სამსახურის ევროპული კანონი. ფაქტობრივად, მათ შეუძლიათ ნებისმიერი ადამიანი გაათავისუფლონ სამსახურიდან ყოველგვარი დაცვის გარეშე, დააწინაურონ ყოველგვარი კრიტერიუმის გარეშე - მაგალითად, დიპლომატები... ეს არავითარ წესში არ ჯდება. საჯარო სამსახურის სრული პოლიტიზაცია იქნება, ეს ამას ნიშნავს. ეს გახლავთ ხალხის დაშინების ინსტრუმენტი, რომელიც ამას საჯარო სამსახურიდან აპროტესტებს, მასობრივად ხელს აწერენ პეტიციებს, მაგალითად, საგარეო საქმეთა სამინისტროში, იუსტიციის სამინისტროში, განათლების სამინისტროში.
სახელმწიფო მოდელის რუსიფიკაციის კიდევ ერთი ფორმა - შემიძლია ამას დავარქვა, ეს არის ტყუილი ყოველდღიური საქმიანობის. ჩვენ ვიხილეთ ტყუილები რუსულ კანონთან დაკავშირებით, როდესაც თვითონ ბატონმა ივანიშვილმა და პრემიერ-მინისტრმა აღნიშნა, რომ ეს კანონი არ იქნება თავიდან შემოტანილი და ერთი წლის შემდეგ, შემოტანილი იყო თავიდან.
ჩვენ, ასევე ვნახეთ ახალი რამ, თქვენი ქვეყნების ოფიციალური განცხადებები, რომელიც საგარეო საქმეთა საბჭოს სხდომის დროს გაკეთდა, არ შუქდება სამთავრობო ტელევიზიის მიერ“, - განაცხადა სალომე ზურაბიშვილმა.
