. ეს ამ უწყების მიერ გაკეთებული მეორე მსგავსი განცხადებაა ბოლო ორ თვეში.
როგორც რუსულის სახელმწიფო მედია წერს რუსეთის საგარეო დაზვერვის სამსახურის პრესცენტრზე დაყრდნობით, „თეთრ სახლში უკიდურესად უკმაყოფილო არიან 26 ოქტომბრის საპარლამენტო არჩვენების წინ საქართველოში განვითარებულ მოვლენებთან დაკავშირებით“.
რუსეთის საგარეო დაზვერვის სამსახურის თანახმად, "ქართული არასამთავრობო ორგანიზაციები ბევრ მოხალისეს აგროვებენ ხმის მიცემის მიმდინაროებაზე მჭიდრო დაკვირვებისთვის, მათ უყენებენ ამოცანას გამოავლინონ და დააფიქსირონ ხელისუფების მიერ ადმინისტრაციული რესურსის გამოყენების „გარდაუვალი ფაქტები“.
უწყების ცნობით „თბილისის მაიდანზე“ გეგმავენ არჩევნების „გაყალბების მტკიცებულებების“ აღმოჩენას, არჩევნების შედეგების არაღიარების გამოცხადებას და ხელისუფლების შეცვლის მოითხოვნას. "ეცდებიან სამართალდამცავების პროვოცირებას პროტესტის ძალით ჩახშობის იძულების მიზნით".
„ამავდროულად, ამერიკელები წინასწარ ამუშავებენ ვარიანტებს, ხელისუფლების მიერ „მოქალაქეების“ წინააღმდეგ „გადაჭარბებული“ ძალის გამოყენებაზე „დაუნდობელი“ პოლიტიკური და ეკონომიკური პასუხის გასაცემად" - ნათქვამია რუსეთის საგარეო დაზრვერვის სამსახურის პრესცენტრის განცხადებაში.
რუსეთის სპეცსამსახურში ფიქრობენ, რომ საქართველოს მმართველ პარტიას „ქართულ ოცნებას“ შესწევს ძალა საპარლამენტო არჩევნებში ხალხის დამაჯერებელი მხარდაჭერის მიღების, „ვინაიდან, ამერიკელების მცდელობების მიუხედავად ოპოზიცია დანაწვერებულია, სხვადასხვა ძალების მიერ შექმნილი კოალიციები კი არა მტკიცე. ის, რასაც ამერიკელები უფრთხიან, ხელს გაუსხნის მმართველ პარტიას, გააგრძელოს სუვერენული კურსი და უარი თქვას საქართველოს ეროვნული ინტერესების საწინააღმდეგო დასავლეთის მოთხოვნების შესრულებაზე“, - იუწყება რუსეთის საგარეო დაზვევა და ამატებს, რომ ვაშინგტონში მსგავსი სცენარი მიუღებლად მიაჩნით, ამიტომ, „ამერიკელები, არჩვენებამდე დარჩენილ კვირებში აპირებენ მასშტაბურად გაზარდონ საქართველოს ხელისუფლებაზე ზეწოლა რათა მაქსიმალურად შეასუსტონ „ქართული ოცნების“ ელექტორალური პოზიციები“.
საქართველოში შემოდგომაზე მოსალოდნელ არეულობასთან დაკავშირებით რუსეთში ხშირდა საუბრობენ, რუსეთის საგარეო საქმეთა მინისტრის მოადგილის, მიხაილ გალუზინის 4 ივნისის განცხადებით, დასავლეთი ოქტომბრისთვის საქართველოში ახალი „მაიდნის“ რეალიზაციას ცდილობს.
"აგენტების კანონის" ხელმეორედ ინიციირების შემდეგ, საქართველოს ხელისუფლების წარმომადგენლები, ასევე სახელმწიფო უსაფრთხოების სამსახური საქართველოში „მაიდანის სცენარსა" და ხელისუფლების დამხობის საფრთხეზე ალაპარაკდნენ.
მსგავსი განცხადება სუსს გასული წლის სექტემბერშიც ჰქონდა.
"აგენტების კანონის" მიღების აუცილებლობას საქართველოს ხელისუფლება ქვეყნის სუვერენიტეტის დაცვის არგუმენტით ხსნის.
მანამდე მმართველი პარტიის "ქართული ოცნების" ლიდერებმა, მათ შორის პრემიერ-მინისტრმა ირაკლი კობახიძემ განაცხადა, რომ ამერიკის შეერთებული შტატებიდან დაფინანსების მიმღები ქართული არასამთავრობო ორგანიზაციები ორჯერ ცდილობდნენ ქვეყანაში რევოლუციის მოწყობას. კობახიძემ საქართველოშო აშშ-ის ყოფილი ელჩი კელი დეგნანი "ქვეყანაში რევოლუციური სცენარების მხარდაჭერაში" დაადანაშაულა." ვაშინგტონმა თბილისის ბრალდებები უარყო.
რადიო თავისუფლება
