ხელვაჩაურში, ყოფილი სამხედრო ბაზის ტერიტორიაზე 29 ადამიანის ნეშტი აღმოაჩინეს
04.02.2022 ნახვები: 592
ხელვაჩაურში, ყოფილი სამხედრო ბაზის ტერიტორიაზე, 29 ადამიანის ნეშტი აღმოაჩინეს. არქეოლოგების და ისტორიკოსების განმარტებით, ნეშტები 1937-1938 წლებში, რეპრესიების დროს დახვრეტილ ადამიანებს ეკუთვნით.
მთავარი სამუშაოები პოლონეთის ეროვნული მეხსიერების ინსტიტუტის 6-კაციანმა ჯგუფმა ბათუმისა და ლაზეთის ეპარქიის მოწვევით აწარმოა.
სამუშაოები ორი კვირაა მიმდინარეობს. პირველადი ანთროპოლოგიური დათვალიერების შემდეგ ნეშტებს მონასტრის ტერიტორიაზე გადაასვენებენ. მკვლევარების აზრით, სავარაუდოდ, ისინი 1938 წლის 15 მარტს დახვრიტეს.
