"ოცნება" მოწმენდილ ცაზე არავის დაუსანქცირებია - პეტრე ცისკარიშვილი

ენმ-ს გენერალური მდივანი პეტრე ცისკარიშვილი ამბობს, რომ ხელისუფლების დასანქცირება არავის გახარებია, თუმცა ეს მათ მიერ გადადგმული ნაბიჯების შედეგია. ოპოზიციის წევრის თქმით, "ქათული ოცნება" აშშ-ს ტყუილად, მოწმენდილ ცაზე არავის დაუსანქცირებია. 

"არავინ იქნება აღფრთოვანებული იმით, რომ თბილისში, ხელისუფლებაში, დედაქალაქში უზის მთავრობა, რომელიც არის სანქცირებული ჩვენი პარტნიორების მხრიდან. ტყუილადაც არ არის სანქცირებული, ყველაფერი ხომ მიზეზ-შედეგობრივია. ის, რა ინიციატივებიც შემოიტანეს, რა კანონებიც მიიღეს, ამის გამო მოხდა მათი დასანქცირება. მოწმენდილ ცაზე ისინი არ დასანქცირებულან და მათი ვიზების შეზღუდვა არავის მოფიქრებია და გახსენებია უბრალოდ ისე, - ამბობს პეტრე ცისკარიშვილი. 

საქართველოში ამერიკის ელჩი ამბობს, რომ ვიზების გაუქმების შესახებ შეტყობინენები "ოცნების" სანქცირებულ წევრებს უკვე მიუვიდათ. მათ კი,  ვისაც ვიზა არ აქვს, თუ მის აღებას გადაწყვეტენ, საელჩოში აღმოაჩენენ, რომ სანქცირებულია. ამერიკელი დიპლომატის განცხადებით, ამ სიაში არიან არა მხოლოდ დემოკრატიისთვის ძირის გამომთხრელები, არამედ მათი ოჯახის წევრებიც.