აქტივისტებმა, რომლებმაც რუსთაველის გამზირი დარბევის შემდეგ დატოვეს, იუსტიციის სახლთან გზა გადაკეტეს.
რუსთაველზე ამ დრომდე სპეცრაზმელები იმყოფებიან. პარლამენტის შენობა სპეცრაზმის ალყაშია. მშვიდობიანი აქციის მონაწილეების წინააღმდეგ გაუშვეს წყლის ჭავლი, გამოიყენეს წიწაკის სპრეი და ისროლეს რეზინის ტყვიები.
დააკავეს აქციის არაერთი მონაწილე.
ფოტო: დოდი ხარხელი
