რუსეთმა აღადგინა სტალინის დროინდელი ორგანიზაცია - „სიკვდილი ჯაშუშებს“

რუსეთმა გადაწყვიტა აღედგინოს საბჭოთა კონტრდაზვერვის ორგანიზაცია „სმერში“. 2024 წლის იანვრის დასაწყისში გამოჩნდა ფოტოები, რომელზეც ჩანდნენ ოპერატიული მუშაკები სმერშის ფორმის პაჩებით.

ამის შესახებ ბრიტანეთის თავდაცვის სამინისტრომ სოციალურ ქსელ X-ზე გამოქვეყნებულ პოსტში განაცხადა. 

რუსმა პოლიტიკოსებმა "სმერშის" ხელახალი დაარსების შესახებ 2023 წლის ბოლოს განაცხადეს. ორგანიზაციის სახელი ფორმირებულია რუსული ფრაზის შემოკლებით "სიკვდილი ჯაშუშებს" (смерть шпионам). ორგანიზაცია იოსებ სტალინმა დააარსა და იგი არსებობდა 1941-1946 წლებში.

ბრიტანული დაზვერვის თანახმად, გაურკვეველია, მიუთითებს თუ არა ახალი სახელი რუსეთის CI ფუნქციის რაიმე არსებით ახალ შესაძლებლობებზე ან როლზე. 

„თუმცა, ეს არის კიდევ ერთი მაგალითი იმისა, თუ როგორ აყალიბებს რუსეთის ხელისუფლება შეგნებულად რუსეთ-უკრაინის კონფლიქტს მეორე მსოფლიო ომის სულისკვეთებით და აქცენტს ქვეყანაში გარე საფრთხეების სავარაუდო შეღწევაზე“, - აცხადებენ სამინისტროში.