ქართული ოცნების დეპუტატმა, ნინო წილოსანმა მოშიმშილე ელენე ხოშტარია ცოტა ხნის წინ, პარლამენტში მოინახულა.
"მიუხედავად იმისა, ჩვენ პოლიტიკური პოზიციები გვაქვს და რა მოსაზრებები გვაქვს ერთმანეთის ნაბიჯებთან დაკავშირებით, არ შეიძლება სხვაობა ადამიანურ დამოკიდებულებებში და ადამიანურად, მე ძალიან ვნერვიულობ მასზე და მინდა, რომ შიმშილობა შეწყვიტოს", - ამბობს წილოსანი.
პარალემნტის შენობაში მოშიმშილე დეპუტატს, "დროას" ლიდერს ელენე ხოშტარიას ეტლი მიუტანეს. ხოშტარიამ დღეს , 19 ნოემბერს, პროტესტის კიდევ უფრო მძიმე ფორმას მიმართა და უარი თქვა მედიკამენტოზურ მკურნალობაზე.
ცნობისთვის, ელენე ხოშტარია მიხეილ სააკაშვილის სამოქალაქო კლინიკაში გადაყვანის მოთხოვნით, უკვე მე-17 დღეა შიმშილობს. მისი ჯანმრთელობის მდგომარეობა ყოველდღიურად მძიმდება.
