"ვისაც უნდა, რომ ჰქონდეს იარაღი, ჰქონდეს" - ძალადობრივი "ალტ-ინფოს" ხელმძღვანელი მიმოწერის ავთენტურობას ადასტურებს

„ალტ ინფო“ ისევ იმუქრება - პრორუსული დაჯგუფების წევრები პრობლემას ვერც იარაღის მობილიზებაში ხედავენ და ამ საქმეზე ვერც გამოძიების დაწყების აუცილებლობას მიიჩნევენ გონივრულ გადაწყვეტილებად. 

ხელისუფლების მხარდამჭერი პრორუსული დაჯგუფება აღირებს, რომ ანგარიშების დაბლოკვით პრობლემა შეექმნათ, თუმცა მცირე, რადგან ისინი მასობრივი არეულობისთვის თანხის მობილიზებას სხვა გზებით შეძლებენ.

ძალადობრივი "ალტ-ინფოს" ხელმძღვანელი ტელეგრამ არხზე მიმოწერის ავთენტურობას ადასტურებს, სადაც ძალადობრივი ჯგუფის წევრები მასობრივ არეულობას და იარაღით დაპირისპირებას გეგმავენ.

"პოლიტიკური შეხედულებების გამო ბანკები აძლევენ თავს იმის უფლებას, რომ შეუჩერონ მოქალაქეს მომსახურება. რა თქმა უნდა, უფრო რთული იქნება, ბანკების გაჩერების გამო, გაძნელდება, ვინც შორს არის ისეთი ადამიანისგან თანხის გადმოცემა, ნუ სხვა გზა არ არის, თუნდაც "ქეშად" მოიტანენ.

(ჟურნალისტის კითხვა: რამდენად კანონიერია?) პოლიტიკური პარტიისთვის არ ვაგროვებთ ამ ფულს, ამ ფულს ვაგროვებთ იმისთვის, რომ საქართველოში შეიარაღებული გადატრიალება, რომელიც დაგეგმილია კოლექტიური პროდასავლური ოპოზიციის მიერ, ხალხს არ უნდა, რომ შეიარაღებული გადატრიალება მოჰყვეს. 

დაკითხვაზე არ დაუბარებიათ, იმიტომ, რომ საერთოდ გამოძიება იწყება მაშინ, როცა დანაშაული ხდება.

ვკითხულობ და არაფერი დარღვევა არ არის. იარაღზე არ შეიძლება ლაპარაკი? ვისაც უნდა, რომ ჰქონდეს იარაღი, ჰქონდეს, არ არის პრობლემა,“ - ამბობს მარტინენკო.