„მთელი ციხე იცინის იმასთან დაკავშირებით, რომ ლიმონათი უყვარს ამ კაცს, თურმე," - განაცხადა დღეს, 2 ნოემბერს, „ქართული ოცნების" თავმჯდომარე ირაკლი კობახიძემ მიხეილ სააკაშვილის შიმშილობაზე საუბრისას.
შეგახსენებთ: საქართველოს მესამე პრეზიდენტი 1-ელ ოქტომბერს დააკავეს და მას შემდეგ შიმშილობს.
"მთელი ციხე იცინის იმასთან დაკავშირებით, რომ ლიმონათი უყვარს ამ კაცს, თურმე, ეს არის ის ინფორმაცია, რაც ჩვენ გვაქვს. ჩვენ გვიხარია, რომ მის ჯანმრთელობას არ ექმნება რეალურად საფრთხე. ის არის ერთ-ერთი პატიმარი შესაბამისი უწყებებისთვის და ერთადერთი ჩვენი სახელმწიფოს, ხელისუფლების პასუხისმგებლობა, რომ ადამიანის უფლებების სტანდარტის დაცვით მოეპყრას ასეთ პატიმარს", - ამბობს კობახიძე.
