გამოაშკარავებული მევახშეები
10.08.2023 ნახვები: 905
პირველად სატელევიზიო სივრცეში და მხოლოდ, “სფერო TV”-ის ეთერში ექსკლუზიურად მხილებულია იმ მევახშეების სახელები და გვარები ვინც ათასობით მოქალაქეს წლების განმავლობაში ატერორებს და ბინებიდან ასახლებს. სფერო TV-ის მიერ იდენტიფიცირებულია ქვეყნის მასშტაბით ცნობილი 32 მევახშის სახელი და გვარი, თქვენ აქ გაიცნობთ მევახშეებს და გაიგებთ ყველაფერს მათი თაღლითური სქემების შესახებ. ასოციაციამ უკვე 32 მევახშე ამხილა.
თვითმკვლელობამდე მიყვანილი ადამიანები და უკანასკნელი საცხოვრისიდან უკანონო გამოსახლებები – სწორედ ამ ქმედებების უკან დგანან “სფერო TV”-ის მიერ გამოაშკარავებული მევახშეები, ისინი წლების განმავლობაში ატერორებდნენ და ერთადერთი საცხოვრისიდან ასახლებდნენ იმ დაზარალებულებს, რომლებსაც “იპოთეკითა და მევახშეებისგან დაზარალებულთა ასოციაცია” წლების განმავლობაში იცავს. ორგანიზაცია, უკვე 700 დაზარალებული ოჯახის ინტერესებს იცავს, სამწუხაროდ მათი რიცხვი დღითიდღე იზრდება.
მევახშეების მხილებათა სერიის მთავარი მიზანი საზოგადოებაში ცნობიერების ამაღლებაა, მოქალაქეების გაფრთხილება და დამნაშავე მევახშეების იდენტიფიცირება, რათა საზოგადოებამ გაიცნოს და უფრთხილდეს თითოეულ მათგანს, რათა ქვეყანაში დაზარალებულთა რიცხვი შემცირდეს. მაყურებელს შესაძლებლობა ექნება ექსკლუზიურად , მხოლოდ “სფერო TV”-ის ეთერში მოისმინოს იდენტიფიცირებული მევახშეების დანაშაულებრივი სქემების დეტალები და იხილოს მათი რეალური სახე, რომლებზეც ,,სფერო TV”-ის გუნდი ინტენსიურად მუშაობს.
