„ხელისუფლებას მინდა ვუთხრა, რაღაც სისულელე არ გააკეთოს, რიკოთზე გადასასვლელში ბევრnი ვიქნებით", - განაცხადა დღეს, 14 ოქტომბერს, „ნაციონალური მოძრაობის" ერთ-ერთმა ლიდერმა, ხატია დეკანოიძემ.
ცნობისთვის: დღეს, 18:00 საათზე, თავისუფლების მოედანზე მიხეილ სააკაშვილის მხარდამჭერი აქცია გაიმართება. აქციაზე დასასწრებად დასავლეთ საქართველოდან კოლონა მოემართება.
"საბრალოები არიან. იცით, რომ ქუთაისში დამარცხდა ეს ხელისუფლება, მეტი არაფერი არ აქვთ მოტივაცია, ამ ადამიანებს აძალებენ, რომ რაღაც სისულელეები გააკეთონ თორემ ვიცით დამოკიდებულება, მათ შორის მუნიციპალურ სამსახურებში დასაქმებულების ზოგადად ამ ხელისუფლების მიმართ. ამიტომ, შეეშვით ამ ადამიანებს, ნუ აძალებთ ამ სისულელეებს, ჩვენ კოლონებს მაინც ვერაფერი შეაფერხებს. ეს უნდათ იმის სათქმელად, რომ "ვიღაც გაბრაზებულმა ადამიანებმა..." არავითარი გაბრაზებული ადამიანები არ არსებობს. ხელისუფლებას მინდა ვუთხრა, რაღაც სისულელე არ გააკეთოს, რიკოთზე გადასასვლელში ბევრი ვიქნებით, როგორც პირველ ტურში ჩახერგეს ისე არ გააკეთონ მეორედ", - განაცხადა დეკანოიძემ.
