"კოკა-კოლას" ყოფილი საწარმო მოძალადეების ალყაშია. ვატო შაქარიშვილს და მის თანამოაზრეებს ფრანკლინის კლუბის ღონისძიების ჩაშლა უნდათ. რადიკალები არასამთავრობო ორგანიზაციას ანტიქართულ და ანტისახელმწიფოებრივ დაჯგუფებად აცხადებენ. მთეl პერიმეტრზე შინაგან საქმეთა სამინისტროს თანამშრომლები არიან განლაგებული.პატრულის ეკიპაჟები ტერიტორიაზე ცოტახნის წინ მივიდნენ.
რადიკალები ამბობენ, რომ არ აუშვებენ იმ პროცესებს, რომელიც ახლა "კოკა-კოლას" ქარხანაში მიიმნიარეობს. შეკრებილები ამბობენ, რომ ფრანკლინის კლუბის წევრები ახლა რევოლუციურ სცენარზე მუშაობენ.
"ჩვენ მოვედით იმის სათქმელად, რომ ამ ქვეყანაში, საქართელოში, ფრანკლინის კლუბი არის მავნებლური ორგანიზაცია, ეს არის ტერორისტული ორგანიზაცია, რომელიც ფინანსდება ქვეყნის გარედან , არის მიმართული იქითკენ, რომ რამენაირად ახალგაზრდები , ბავშვები, გამოიყენონ პროვოკაციისთვის, გამოიყენონ ამ ქვეყანაში არეულობის მოსაწყობად. დავიცავთ ბავშვებს ლგბტ პროპაგანდისგანაც, რასაც „მაკდონალდსი“ აკეთებს და რაზეც ბოდიშის მოხდაც არ უნდა თემურ ჭყონიას და დავიცავთ ამ ქვეყანას არეულობისგან, - ამბობს ვატო შაქარიშვილი.
წუთი წუთზე სიტყვით გამოსვლები დაიწყება. ახალგაზრდები საქართველოს ევროინტეგრაციაზე ისაუბრებენ. მიწვეულ სტუმრებს შორის არიან ოპოზიციონერი პოლიტიკოსები. კლუბის იუბილეზე დაპატიჟებული იყო პარლამენტის თავმჯდომარეც, მაგრამ პაპუაშვილი "კოკა-კოლას" ყოფილ საწარმოში არ მივიდა.
