რამდენიმე დღიანი წვიმისა და უხვი ნალექის შედეგად, ბათუმი კვლავ დაიტბორა.
დატბორილია საცხოვრებელი სახლები, კომერციული ფართები და რამდენიმე ქუჩა.
ადგილობრივები ზარალზე საუბრობენ და შესაბამის სამსახურებს დახმარებას სთხოვენ. მათი თქმით, ბათუმის დატბორვის მიზეზი მოუწესრიგებელ სანიაღვრე არხებია. ამ დროისთვის, რამდენიმე ლოკაციაზე წყლის ამოტუმბვა და ზღვაში შემავალი არხების გაწმენდა მიმდინარეობს.
ძლიერმა წვიმამ, მაღალმთიან აჭარაში მეწყრული პროცესები გამოიწვია, მეწყერი ხულოს, ქედისა და ხელვაჩაურის მუნიციპალიტეტში განვითარდა.
ცნობისთვის, სტიქიის შედეგად არავინ დაშავებულა, მიმდინარეობს მძიმე ტექნიკით მიწის მასის გაწმენდითი სამუშაოები.
