"კრედიტ სვისის" გადაწყვეტილებები უკანონო და დანაშაულებრივია - "ოცნება" შვეიცარული ბანკის წინააღმდეგ
29.05.2023 ნახვები: 1490
"ოცნება" ივანიშვილს იცავს და "კრედით სვისს" აკრიტიკებს. სახელისუფლებო გუნდის წევრი ანრი ოხანაშვილი ამბობს, რომ შვეიცარული ბანკის გადაწყვეტილება ივანიშვილისთვის ფულის არდაბრუნების თაობაზე დანაშაულებრივია.
"ბიძინა ივანიშვილი მის უფლებებში იყო მართალი. მისი პოზიცია იყო, რომ მასთან მიმართებაში ადგილი ჰქონდა უკანონო ჩარევებს, რაც დადასტურდა კიდევ ერთხელ, აშიშვლებს იმ ძალიან მძიმე სიტუაციას, რომელიც უკავშირდება კრედიტ სვისი მოქმედებას, მენჯმენტს და მათ მიერ, დიდი ალბათობით, უკანონო თუ არა დანაშაულებრივი გადაწყვეტილების მიღების, - ამბობს ანრი ოხანაშვილი.
ოხანაშვილის მსგავსად ირაკლი ქადაგიშილის ამტკიცებს, რომ ზეწოლა, რომელიც ბიძინა ივანიშვილის სამიმართით ხორციელდება, ამორალურია.
"წინააღმდეგია ბიძინა ივანიშვილი პოლიტიკაში დაბრუნებისა, მითუმეტეს, ისეთი განცხადების გაკეთებისა, რომელიც საქართველოს რაიმე სახით საფრთხის წინაშე დააყენებს, მათ შორის კონფრონტაციის და ომის მიმართულებით. მე ვფიქრობ, რომ სწორედ აქედან არის გამოწვეული, რომ ამ ადამიანზე ხორციელდება ასეთი ყოვლად უკანონო, ამორალური ზეწოლა, მაგრამ მისი პოზიცია არის ურყევი იმასთან დაკავშირებით, რომ არ უნდა პოლიტიკაში დაბრუნება, - ამბობს ირაკლი ქადაგიშვილი.
შეგახსენებთ, რომ სინგაპურის სასამართლოს განჩინების მიუხედავად, შვეიცარული ბანკი ბიძნა ივანიშვილს ფულს ისევ არ უბრუნებს. სპეციალური განცხადება აღნიშნულის თაოაბზე ოლიგარქის ახალმა ადვოკატებმა გაავრცელეს.
