„თავდასხმა არის ცოტა სხვა ვითარება და სხვაგვარი შემთხვევა", - განაცხადა დღეს, 22 სექტემბერს, პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავჯდომარე მიხეილ სარჯველაძე დმანასში ენმ-ის მხარდამჭერების დაჭრის კომენტირებისას.
სარჯველაძე ძალადობას არ ამართლებს, მაგრამ ფაქტს თავდასხმას ვერ უწოდებს, რადგან მისი თქმით, ეს იყო ძალადობის პროვოცირება.
"სიტყვა „თავდასხმა", ვფიქრობ, არასწორად არის გამოყენებული. იქ საუბარი იყო, მაგალითად, პროვოცირებაზე, სამართალდარღვევის, ძალადობის პროვოცირებაზე და ა.შ. თავდასხმა არის ცოტა სხვა ვითარება და სხვაგვარი შემთხვევა. ძალადობას არცერთ შემთხვევაში არ აქვს გამართლება. მე ვფიქრობ, რომ პირები, ვინც დაკავებულნი არიან, მათი მხრიდანაც კარგად არის გააზრებული", - განაცხადა სარჯველაძემ
შეგახსენებთ:
დმანისში წინასაარჩევნო შეხვედრაზე "ნაციონალური მოძრაობის" მხარდამჭერების დაჭრის გამო "ოცნების" მაჟორიტარობის კანდიდატის შვილი , 1993 წელს დაბადებული დავით დაუთაშვილი დააკავეს.
