თურქეთის საპრეზიდენტო არჩევნებში უბნების 50 პროცენტზე მეტის დათვლის შემდეგ, წინასწარი მონაცემებით, ლიდერობს რეჯეფ თაიფ ერდოღანი, მეორე ადგილზეა ქემალ ქილიჩდაროღლუ
14.05.2023 ნახვები: 669
„ჰაბერთურქის“ მონაცემებით, თურქეთის საპრეზიდენტო არჩევნების წინასწარი შედეგების მიხედვით, 52.03 პროცენტით ლიდერობს ქვეყნის მოქმედი პრეზიდენტი რეჯეფ თაიფ ერდოღანი, 42.11%-ით მეორე ადგილზეა გაერთიანებული ოპოზიციის კანდიდატი ქემალ ქილიჩდაროღლუ, მესამე ადგილზე კი სინან ოღანი – 5.33 პროცენტით.
ამ დროისთვის უბნების 50-ზე პროცენტზე მეტია დათვლილი.
რაც შეეხება საპარლამენტო არჩევნების წინასწარ შედეგებს, წინასწარი მონაცემებით, 56.18%-ით საპარლამენტო არჩევნებში ლიდერობს ერდოღანი „სახალხო ალიანსი“, 30.05%-ით მეორე ადგილზეა ოპოზიციის ეროვნული ალიანსი, 8.67%-ით მესამე ადგილს იკავებს მემარცხენე ძალების ალიანსი. საპარლამენტო არჩევნების შემთხვევაში დათვლილია უბნების 26.16 პროცენტი.
