„შემიძლია ამაყად და დიდი სიხარულით გაცნობოთ“ – სანდრო გეგეჭკორი ჯულიარდის სკოლაში ჩაირიცხა
31.03.2023 ნახვები: 679
ქართველი პიანისტი სანდრო გეგეჭკორი ნიუ-იორკის საშემსრულებლო ხელოვნების პრესტიჟულ სასწავლებელში – ჯულიარდის სკოლაში ჩაირიცხა.
ამ სასიხარულო ინფორმაციას პიანისტი თავად უზიარებს საზოგადოებას სოციალურ ქსელში:
„დღეს, 2023 წლის 31 მარტს შემიძლია ამაყად და დიდი სიხარულით გაცნობოთ, რომ ჩემი ცხოვრების გარდამტეხი ეტაპი დადგა!
ჩავირიცხე მსოფლიოში ყველაზე პრესტიჟულ „ჯულიარდის სკოლაში“ და სწავლას გავაგრძელებ ამერიკის შეერთებულ შტატებში, კერძოდ ნიუ-იორკში 2023 წლის აგვისტოდან!
მინდა ყველა ადამიანს, თითოეული თქვენგანს, ჩემს პროფესორს, თბილისის სახელმწიფო კონსერვატორიას უდიდესი მადლობა გადავუხადო“, – წერს პიანისტი სოციალურ ქსელში.
