შიდა ქართლში, ქარელის მუნიციპალიტეტის ერთ-ერთ სოფელში, არასრულწლოვნის მიმართ სექსუალური ხასიათის ქმედების ბრალდებით სამართალდამცავებმა ერთი პირი დააკავეს. დაკავებული 60 წელს გადაცილებული მამაკაცია.
არსებული ინფორმაციით, ბრალდებული დაზარალებული მოზარდის მამის მეგობარია.
როგორც „ნეიშენ ჯორჯიას“ შინაგან საქმეთა სამინისტროში განუცხადეს, ფაქტზე გამოძიება დაწყებულია სისხლის სამართლის კოდექსის 138-ე მუხლით, რაც არასრულწლოვნის მიმართ სექსუალური ხასიათის ქმედებას გულისხმობს.
