დიდი ბრიტანეთის საგარეო საქმეთა მდივანი საკმაოდ მკაფიო და პირდაპირი იყო მის განცხადებებში.
კლევერლიმ კმაყოფილება გამოთქვა რუსული კანონის ჩაგდებასთან დაკავშირებით და მტავრობას უთხრა, რომ კრიტიკული მედიის და სამოქალქო სექტორის არსებობა ბუნებრივი და ნორმალურია დემოკრატიული ქვეყნისთვის.
ბრიტანელმა დიპლომატმა ასევე განაცხადა, რომ საქართველოს დემოკრატიისკენ სვლა უნდა გაგრძელდეს, რომ მისი ევროკავშირში და ნატოში ინტეგრაცია მოხდეს
მოხარული ვარ, რომ კანონის დამტკიცება აღარ მოხდა. საქართველოს მთავრობის მინისტრებთან ვისაუბრე, რომ მედია თავისუფლება, არასამთავრობო ორგანიზაციებისა და სამოქალაქო საზოგადოება მნიშვნელოვანია და უნდა იყოს აქტიური, ხანდახან რა თქმა უნდა იქნებიან კრიტიკულებიც მთავრობის მიმართ, რაც არის ბუნებრივი და ნორმალური ნაწილი დემოკრატიულ პროცესში. ჩვენ გვინდა დავინახოთ, რომ საქართველოს დემოკრატიისკენ სვლა გაგრძელდეს და მოხდეს მისი ევროკავშირში და ნატოში ინტეგრაცია. როგორც საქართველოს გრძელვადიანი მეგობარი და პარტნიორი, ჩვენ ვისაუბრეთ, რაც პირადად მე მიმაჩნია, რომ საქართველოს საუკეთესო ინტერესებშია", - განაცხადა კლევერლიმ.
დიდი ბრიტანეთის საგარეო საქმეთა მდივანმა ოფიციალური ვიზიტი უკვე დაასრულა და საართველოც დატოვა.
