ხაბეიშვილს არც დაუმალავს, რომ მის უკან იდგა ვანო მერაბიშვილი და გაკეთდა არჩევანი, რომ დღეს „ნაციონალური მოძრაობა“ ეკუთვნის ვანო მერაბიშვილს, – ამის შესახებ „ხალხის ძალის“ წევრმა, გურამ მაჭარაშვილმა განაცხადა.
მისი თქმით, „ეს ე.წ პოლიტიკური ძალა გაკოტრებულია“.
„ფაქტობრივი, სამწუხარო, მაგრამ მაინც რეალობა, რომ დღეს ვანო მერაბიშვილი არის „ნაციონალურ მოძრაობაში“, მოცემულობაა. ეს არჩევანი ხომ თავად „ნაცმოძრაობის“ ამომრჩეველმა გააკეთა. ხაბეიშვილს არც დაუმალავს, რომ მის უკან იდგა ვანო მერაბიშვილი და გაკეთდა ეს არჩევანი, რომ დღეს პარტია ეკუთვნის ვანო მერაბიშვილს. ეს ადამიანი სამწუხარო რეალობას ამბობს. გავემიჯნე, არ გავემიჯნე, თან მინდა, თან არ მინდა, ეს არის „ნაცმოძრაობის“ სტილი. მე მგონი, თავისივე ამომრჩევლებშიც აღარ აქვთ ნდობა იმ ადამიანებს, რომლებიც ჯერ კიდევ აპირებენ, რომ იყვნენ ამ პარტიაში, თან არ აღიარებენ არც ფაქტობრივ და არც იურიდიულ ხელმძღვანელობას. ასეთი სიტუაცია ნიშნავს, რომ გაკოტრებულია ეს ე.წ პოლიტიკური ძალა. ახლა უკვე 2024 წლისთვის დანარჩენმა პოლიტიკურმა ძალებმა უნდა შეძლონ ამ ელექტორატის ათვისება“, – განაცხადა მაჭარაშვილმა.
