დატოვებს თუ არა საპარლამენტო უმრავლესობას და "ქართულ ოცნებას" 6 დეპუტატი?!
12.03.2023 ნახვები: 585
ენმ-ს წევრი ბაჩო დოლიძე ამბობს, რომ "ქართული ოცნება" მძიმე კრიზისს გადის. საუბარია 6 დეპუტატზე, რომელთაც მმართველი პარტიის დატოვება სურთ.
ოპოზიციის წევრი ამბობს, რომ "ოცნების" დეპუტატები, ფაქტობრივად, ტყვეობაში არიან და ამას ხელი თავად მოაწერეს, როცა სახელისუფლებო პარტიაში ჩაირიცხნენ.
"ძალიან მძიმე პოლიტიკუზ კრიზისს გადის "ქართული ოცნება" მე ახლა სახელებსდა გვარებს არ დავასახელებ, თუმცა შიდა ინფორმაცია ნამდვილად არსებობს იმასთან დაკავშირებით, რომ არიან დეპუტატები, რომლებსაც წასვლა უნდათ "ქართული ოცნებიდან", გამიჯვნა სურთ ახლა. მე, უბრალოდ, ერთი რამის თქმა მინდა, ყველას აქვს შანის, ახლა ვინც არის "ქ1ართულ ოცნებაში", რომ კონკრეტული ნაბიჯი გადადგან და არ ავიდნენ არ წავიდნენ იმაზე, რაზედაც რამდენიმე ადამიანი, ზუსტად ვიცი, რომ წავა. ჩვეულებრივ ტყვეობაში არიან, მაგრამ თვითონვე მოაწერეს ხელი ამ მსახურებას, დღეს რაც ნიშნავს "ქართული ოცნების" რიგებში ყოფნას", - განაცხადა დოლიძემ.
"შაბათის ეთერის" ინფორმაციით, საპარლამენტო უმრავლესობას და "ქართულ ოცნებას" სავარაუდოდ 6 დეპუტატი დატოვებს.
წყარო "ტვ პირველს" უყვება, რომ ამის შესახებ ინფორმირებულია "ქართული ოცნების" თავმჯდომარე. ირაკლი კობახიძემ კი ამ დეპუტატებს უთხრა, რომ თუ ისინი დატოვებენ "ქართულ ოცნებას" მაშინ საპარლამენტო უმრავლესობაც უნდა დატოვონ, რომ მათი ადგილები უმრავლესობის წევრებმა შეავსონ.
"შაბათის ეთერმა" 6 დეპუტატიდან სამის ვინაობა დაადგინა და ესენი არიან: გიორგი ხელაშვილი, ირაკლი კოვზანაძე და ელგუჯა გოცირიძე.
