ახალგაზრდების პოლიტიკაში ჩართულობის კამპანია - „იაქტიურე შენზეა“
21.08.2021 ნახვები: 578
გერმანიის საგარეო საქმეთა სამინისტროს მხარდაჭერით, „განათლებისა და განვითარების სივრცის" ორგანიზებით, ჩატარდა კამპანია „იაქტიურე შენზეა". პროექტის ფარგლებში შეხვედრები გაიმართა ბათუმსა და თბილისში.
პროექტის ხელმძღვანელის ლიკა მერაბიშვილის თქმით, პროექტის მიზანია ახალგაზრდების პოლიტიკურ პროცესებში აქტიური ჩართულობა.
„განათლების და განვითარების სივრცის ორგანიზებით ჩატარდა, კამპანია „იაქტიურე შენზეა", რომლის მიზანიცაა, ახალაგზრდების პოლიტიკაში ჩართულობა. კამპანიის ფარგლებში ჩატარდა ორი სემინარი თბილისსა და ბათუმში, რომლის მთავარი თემა იყო აქტივიზმის როლი და ახალგაზრდების პოლიტიკაში ჩართულობა. გარდა ამისა ჩატარდა 6 ლაივ ვიდეო „FACEBOOK"-ის საშუალებით, რომლის დროსაც დამსწრეები სვამდნენ კითხვებს და იღებდნენ შეკითხვებზე პასუხებს. სტუმრები იყვნენ, მთავარი პოლიტიკური პარტიების ლიდერები.",-განაცხადა CNews-თან საუბრის დროს პროექტის ხელმძღვანელმა და განათლების და განვითარების სივრცის დირექტორმა ლიკა მერაბიშვილმა.
ცნობისთვის, პროექტი განხორციელდა გერმანიის საგარეო საქმეთა სამინისტროს ფინანსური მხარდაჭერით, საქართველოს პოლიტიკის ინსტიტუტის და Polis 180-ის პროექტის „ახალგაზრდების მონაწილეობის ხელშეწყობა პოლიტიკურ პროცესებში" ქვე-გრანტის ფარგლებში.
