არასოდეს არ დადგება ეს დღის წესრიგში, - ასე ეხმიანება ახალქალაქის, კუმურდოსა და კარის მიტროპოლიტი, მეუფე ნიკოლოზი, სინოდის სხდომის დასრულების შემდეგ, გავრცელებულ ინფორმაციას საქართველოს კათალიკოს პატრიარქის შესაძლო გადადგომასთან დაკავშირებით გაკეთებული განცხადების შესახებ.
„თქვენ მე მაიძულებთ, რომ ცუდი რაღაც ვთქვა და ახლა ვიტყვი - ვერ მოესწრება ვერავინ ამას, ვერასოდეს! არასოდეს არ დადგება დღის წესრიგში ეგ საკითხი და აზრადაც არ მოსვლია ვინმეს თავში, რომ რაღაცა მსგავსი ეთქვა. ვერავინ მოესწრება! პატრიარქი დიდხანს იქნება და ჩვენ პატრიარქის 50 წლის იუბილეს ერთად აღვნიშნავთ. დაიმახსოვრეთ ჩემი სიტყვები“, - განაცხადა მეუფე ნიკოლოზმა.
სინოდის სხდომა 5 საათის დაგვიანებით დაიწყო. ვრცელდებოდა ინფორმაცია პატრიარქის შეუძლოდ ყოფნის შესახებ, რაც „ნეიშენ ჯორჯიასთან“ უარყო მისმა ექიმმა ცისანა შარტავამ.
მეუფე პეტრემ კი განაცხადა, რომ პატრიარქმა მოინდომა გადადგომა, რასაც სინოდში დაპირისპირება მოყვა.
სინოდის სხდომა 30 წუთი გაგრძელდა.
სხდომის განჩინება მოგვიანებით გახდება ცნობილი.
მეუფე ნიკოლოზი სინოდის სხდომაზე: პატრიარქის გადაყენება არასოდეს დადგება დღის წესრიგში
ნახვები: 659
