შალვა ხაჭაპურიძე - ბოლო 10 წლის განმავლობაში, ნინო ნადირაძე არ ფიქსირდება კლინიკა „ვივამედში“ არანაირ თანამშრომლად, მითუმეტეს, დირექტორად
06.02.2023 ნახვები: 699
დღეს ჩვენ წარმოვადგინეთ საჯარო რეესტრის ამონაწერი - ბოლო 10- წლის განმავლობაში, ნინო ნადირაძე არ ფიქსირდება კლინიკა „ვივამედში“ არანაირ თანამშრომლად, მითუმეტეს, დირექტორად,- ამის შესახებ საქართველოს მესამე პრეზიდენტის ინტერესების დამცველმა, შალვა ხაჭაპურიძემ სასამართლო სხდომაზე დასკვნითი სიტყვის წარმოთქმისას განაცხადა.
როგორც მანვე აღნიშნა, ნინო ნადირაძის კავშირი შპს „ვივამედთან“ წერილობითი სახის მტკიცებულებით არ დასტურდება.
„აღსანიშნავია, რომ მოწინააღმდეგე მხარეს არ წარმოუდგენია სასამართლო, სამედიცინო და ფსიქიატრიული კომისიური ექსპერტიზის დასკვნასთან პირდაპირ, ან ირიბთან დაპირისპირებული რაიმე დოკუმენტი, გარდა სეებ-ის(სამხარაულის ეროვნული ბიურო) 24.01.2023 წლის და მოქალაქე ნინო ნადირაძის ჩვენებისა, რომლის რაიმე კავშირი შპს „ვივამედთან“ არ დასტურდება რაიმე წერილობითი სახის მტკიცებულებით. დღეს ჩვენ წარმოვადგინეთ საჯარო რეესტრის ამონაწერი- ბოლო 10- წლის განმავლობაში, ნინო ნადირაძე არ ფიქსირდება არანაირ თანამშრომლად კლინიკა „ვივამედში“, მითუმეტეს, დირექტორად. ხოლო, სამეწარმეო რეესტრის მონაცემებით, ამგვარი სახელისა და გვარის პირი რეგისტრირებული არ არის აღნიშნული კომპანიის დირექტორად“,- აღნიშნავს ხაჭაპურიძე.
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
