ძმებ კაკულიების ადვოკატი ამბობს, რომ სერგი დაზარალებულებმა - ქურთიაშვილის და გიორგი კაჭკაჭაშვილმა სასამართლო სხდომაზე დაადასტურეს, რომ კაკულებს მათთვის არ უსვრია.
ადვოკატი ასევე აღნიშნავს, რომ მთავარი მოწმეების მოყვანა სასამართლოზე პროკურატურას არ აწყობდა და ყველაფერი გააკეთეს, რათა ქურთიაშვილი და კაჭკაჭაშვილი მოწმეებად არ მოსულიყვნენ.
"სიმართლე ისაუბრეს სასამართლოს წინაშე და ფაქტობრივად დაადასტურეს დავით და გურამ კაკულიების უდანაშაულობა. აღნიშნული მოწმეების მოყვანა თავად ბრალდების მხარეს არ აწყობდა და ყველაფერი გააკეთეს იმისთვის, რომ აღნიშნული მოწმეები არ მოეყვანათ. დაცვის მხარისათვის მნიშვნალოვანი იყო აღნიშნული მოწმეები. ჩვენ მათ დავუკავშირდით და ზედმეტი ძალისხმევის გარეშე აღნიშნული ბატონები მობრძანდნენ“, - ამბობს ადვოკატი". - ამბობს ადვოკატი.
ცნობისთვის, დღეს სასამართლოს ჩვენება ორივე დაზარალებულმა მისცა. ქურთიაშვილიც და კაჭკაჭიშვილიც უარყოფს, რომ მათ ძმებმა ესროლეს.
შეგახსენებთ, რომ ძმებ კაკულიებს არაყიშვილის ქუჩაზე სერგი ქურთიაშვილის ჯგუფურად მკვლელობის მცდელობას ედავებიან, რა დროსაც დაშავდა გიორგი კაჭკაჭაშვილიც. ძმებს ასევე, ცეცხლსასროლი იარაღის და საბრძოლო მასალის ჯგუფურად, მართლსაწინააღმდეგო შეძენას, შენახვას, ტარებას, ასევე, საზღვრის უკანონო კვეთასაც ედავებიან.
გამოძიება ასევე ინტენსიურ რეჟიმში გრძელდება ძმებ კაკულიების მიერ სხვა დანაშაულებრივ ფაქტებთან, მათ შორის, ნიკა კვარაცხელიას მკვლელობის საქმესთან შესაძლო შემხებლობასთან დაკავშირებით.
