კალიფორნიაში შვიდი ადამიანია მოკლული
24.01.2023 ნახვები: 555
კალიფორნიაში, ორ ლოკაციაზე სროლის შედეგად მოკლულია შვიდი ადამიანი. ერთი დაშავებულის მდგომარეობა კრიტიკულია. შემთხვევა სან ფრანცისკოს მახლობლად მდებარე ქალაქ ჰალფ მუნ ბეიში მოხდა. რაიონის შერიფის ცნობით, ეჭვმიტანილი, 67 წლის ადგილობრივი მცხოვრები დაკავებულია. მისი მოქმედების მოტივი უცნობია.
სროლა სოკოს ფერმასა და სატვირთო-გადამზიდი კომპანიის ტერიტორიაზე მოხდა, რომელიც ფერმიდან დაახლოებით ორ მილში მდებარეობს.
შეგახსნებთ, რომ კალიფორნიის ქალაქ მონტერეი პარკში გასულ კვირას მასობრივ სროლას 11 ადამიანი ემსხვერპლა.
როგორც შტატის გუბერნატორმა, გეივინ ნიუსამმა აღნიშნა, ჰალფ მუნ ბეიში მომხდარი სროლის დროს ის მონტერეი პარკში თავდასხმის შედეგად დაშავებულების მოსანახულებლად ჰოსპიტალში იმყოფებოდა.
„ტრაგედია ტრაგედიის შემდეგ“, – დაწერა გუბერნატორმა სოციალურ ქსელ „ტვიტერში“.
