ზაფხულის სატრანსფერო ფანჯრის დროს, დიდი ალბათობით, მადრიდის "ატლეტიკოს" 30 წლის მეკარე იან ობლაკი დატოვებს. სლოვენიელს ახალი გამოწვევების მიღება სურს და ძალების მოსინჯვას სხვა ჩემპიონატში გეგმავს.
Cadena COPE-ს ცნობით, "ინდიელები" ობლაკის შემცვლელად "ვალენსიას" კარის დარაჯს, გიორგი მამარდაშვილს განიხილავენ.
"ახალგაზრდა ქართველი მეკარე გიორგი მამარდაშვილი, ბევრისთვის მოულოდნელად, გასულ სეზონში "ვალენსიას" ძირითად შემადგენლობაში დამკვიდრდა, დღესდღეობით კი გატუზოს გუნდის შეუცვლელი ფეხბურთელია.
"მამარდამ" ოთხშაბათს ესპანეთის თასზე "რეალის" წინააღმდეგ ბრწყინვალედ ითამაშა, 4 ურთულესი დარტყმული მოიგერია და მაღალი ოსტატობა კიდევ ერთხელ დაამტკიცა.
მიუხედავად "ატლეტიკოს" დაინტერესებისა, "როხიბლანკოს" 22 წლის
"ვალენსია" ლა ლიგის გათამაშებაში მე-12 ადგილს იკავებს. გატუზოს გუნდი მორიგ მატჩს 18 იანვარს, ესპანეთის თასზე "სპორტინგის" წინააღმდეგ გამართავს. შეხვედრა თბილისის დროით 22:00 საათზე გაიმართება.
