ბათუმში მომხდარი სისხლიანი გარჩევის ახალი დეტალები-რას ჰყვებიან თვითმხილველები?!
06.01.2023 ნახვები: 590
ბათუმში, გორგასლის ქუჩაზე ერთი ადამიანი დაჭრეს. შემთხვევა გუშინ მოხდა.
29 წლის კაცს ჭრილობები სახისა და გულმკერდის არეში ცივი იარაღით მიაყენეს.
"მთავარი არხის" ინფორმაციით ბათუმში, ახალგაზრდა კაცი, გიორგი ნიკოლავა მეუფე დიმიტრის სიძემ, ჯამბულ ჯიჯავაძემ დაჭრა. კონფლიქტი თავდაპირველად ავტომობილის პარკირების დროს დაიწყო, რის შემდეგაც სიტყვიერი შელაპარაკება სისხლიან გარჩევაში გადაიზარდა.
"უთქვია, მანქანა აქანე არ დააყენოო, ვერ გავდივართო... მეორეჯერ რომ შეხვედრია, უთქვია, მეგობარო აქანე გვიჭირს შესვლაო და ცოტა ისე დააყენეო. შენ რას ლაპარაკობო, მე ვინ ვარ, იციო? ამოუღია დანა და დაურტყამს", - ამბობს დაჭრილის მამა.
დაჭრილი ბათუმის რესპუბლიკურ საავადმყოფოშია მოთავსებული. მედიკოსების ინფორმაციით, 29 წლის მამაკაცს უკვე ჩაუტარდა ოპერაცია, მისი მდგომარეობა სტაბილურია და სიცოცხლეს საფრთხე არ ემუქრება.
მომხდარზე გამოძიება 117-ე მუხლით აღიძრა.
