ვოლოდიმირ ზელენსკი - ყველაფერს ვაკეთებთ, რომ 2023 წელი გამარჯვების წლად ვაქციოთ
03.01.2023 ნახვები: 652
უკრაინის პრეზიდენტმა, ვოლოდიმირ ზელენსკიმ უმაღლესი მთავარსარდლის შტაბის მორიგი შეხვედრა გამართა, რომელზეც ფრონტზე არსებული ვითარება და უახლოეს მომავალში აგრესორის სავარაუდო ნაბიჯები განიხილეს, - ინფორმაციას უკრაინული მედია ავრცელებს.
„უმაღლესი მთავარსარდლის შტაბის მორიგი სხდომა გაიმართა. ვალერი ზალუჟნიმ ფრონტის ძირითად მიმართულებებზე არსებული სიტუაციის შესახებ მოხსენება წარადგინა. კირილ ბუდანოვმა უახლოეს მომავალში აგრესორის სავარაუდო ნაბიჯებზე ისაუბრა ", - განაცხადა ზელენსკიმ „ტელეგრამზე“.
მისი თქმით, შეხვედრის მონაწილეებმა კიდევ ერთხელ განიხილეს უკრაინის არმიის ტექნიკითა და საბრძოლო მასალით მომარაგების საკითხი.
„ჩვენ ყველაფერს ვაკეთებთ, რომ 2023 წელი გამარჯვების წლად ვაქციოთ“, - აღნიშნა პრეზიდენტმა ზელენსკიმ.
