ყოფილ ირანელ ფეხბურთელს საჯაროდ ჩამოახრჩობენ...
16.12.2022 ნახვები: 687
ყოფილ ირანელ ფეხბურთელს, ამირ ნასრ-აზადანის, ქალთა უფლებების დაცვის კამპანიაში ჩართვისთვის ჩამოხრჩობა მიუსაჯეს.
მოგეხსენებათ, რამდენიმე თვის წინ 22 წლის მაჰსა ამინი ჰიჯაბის არასწორად ტარების გამო მორალის პოლიციამ დააკავა. გარდაცვალების შემდეგ ირანის უშიშროების ძალების განცხადებით, ამინი მოულოდნელად დაეცა და გონება დაკარგა. საავადმყოფოში კომატოზურ მდგომარეობაში გადაიყვანეს, 16 სექტემბერს კი გოგონა ინტენსიური თერაპიის განყოფილებაში გარდაიცვალა. ირანის ხელისუფლებასთან დაახლოებული მედიის ცნობით, გოგონას ეპილეფსია და სხვა დაავადებები აწუხებდა, თუმცა მისი ოჯახი ამ ინფორმაციას უარყოფს. ხელისუფლების ცნობით, გარდაცვალების მიზეზი გულის შეტევა გახდა, თვითმხილველები და ახლობლები კი ამბობენ,
რომ გოგონა დაკავების ადგილზე პოლიციის მიერ ცემის შედეგად მიღებული ტრავმებით გარდაიცვალა.
ტრაგიკული ამბის შემდეგ ქვეყანა საპროტესტო აქციებმა მოიცვა, ირანის ხელისუფლებას კი ამასთან დაკავშირებით თავისი შეხედულება აქვს - სჯის ყველას, ვინც ქალთა უფლებებზე ხმამაღლა საუბრობს. ბოლოს ასეთი 26 წლის ყოფილი სპორტსმენი გახდა...
საინფორმაციო სააგენტო Mizan-ის ცნობით, ნასრ-აზადანის იგივე ბედი ეწევა, რაც მოჭიდავე მაიდ რეზა რანავარდს... მოგეხსენებათ, მაშინ მაიდიც საპროტესტო აქციებში მონაწილეობისთვის საჯაროდ ჩამოახრჩეს...
FIFPRO (მსოფლიოს მასშტაბით პროფესიონალი ფეხბურთელების უფლებათა დამცველი ორგანო) აკრიტიკებს გადაწყვეტილებას და სასწრაფოდ მის გაუქმებას მოითხოვს.
"FIFPRO გაოგნებული და შეწუხებულია ნასრ-აზადანის მიმართ გამოტანილი გადაწყვეტილებით, რომელიც დღის წესრიგში მას შემდეგ დადგა, რაც საკუთარ ქვეყანაში ქალების უფლებების დაცვისთვის ბრძოლა დაიწყო. ჩვენ ამირს სოლიდარობას ვუცხადებთ და მოვითხოვთ, რომ სასჯელი გაუქმდეს" - წერს ორგანიზაცია სოციალურ ქსელში.
მომზადებულია AS-ის მიხედვით
sportall.ge
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
